టాలీవుడ్ కి పూనకం వ‌చ్చింది. వ‌రుస‌గా రిలీజ్ డేట్లు ప్ర‌క‌టించేస్తున్నారు. ఆర్‌.ఆర్‌.ఆర్ నుంచి.. ఆచార్య వ‌ర‌కూ పెద్ద సినిమాల రిలీజ్ డేట్ల‌న్నీ వ‌చ్చేస్తున్నాయి. ఇప్పుడు `వ‌కీల్ సాబ్` వంతు వ‌చ్చింది. ప‌వ‌న్ క‌ల్యాణ్ క‌థానాయ‌కుడిగా న‌టించిన చిత్ర‌మిది. శ్రుతిహాస‌న్ నాయిక‌. బాలీవుడ్ లో ఘ‌న విజ‌యం సాధించిన `పింక్‌` చిత్రానికి రీమేక్ గా తెర‌కెక్కుతోంది. వేణు శ్రీ‌రామ్ ద‌ర్శ‌కుడు. ఈ చిత్రాన్ని ఏప్రిల్ 9న విడుద‌ల చేయ‌నున్న‌ట్టు చిత్ర‌బృందం ప్ర‌క‌టించేసింది.

తమన్ ఈ చిత్రానికి సంగీతం అందిస్తున్నాడు. ఇటీవ‌ల `వ‌కీల్ సాబ్` టీజ‌ర్ విడుద‌లైంది. అందులో ప‌వ‌న్ డైలాగులు... అభిమానుల‌కు విప‌రీతంగా న‌చ్చేశాయి. త్వ‌ర‌లోనే... వ‌కీల్ సాబ్ ప్ర‌మోష‌న్ల‌నూ మొద‌లెట్ట‌డానికి చిత్ర‌బృందం స‌న్నాహాలు చేస్తోంది. ఇప్ప‌టికే ఇందులోని ఓ పాట విడుద‌లైంది. మ‌రిన్ని పాట‌లు.. వ‌రుస‌గా విడుద‌ల చేయ‌నున్నారు.