ప‌వ‌న్ క‌ల్యాణ్ అభిమానుల‌కు ఓ చేదువార్త‌. సుదీర్ఘ విరామం త‌ర‌వాత ప‌వ‌న్ రీ ఎంట్రీ ఇస్తున్న వ‌కీల్ సాబ్‌విడుద‌ల ఆల‌స్యం అయ్యే సూచ‌న‌లు క‌నిపిస్తున్నాయి. ఏప్రిల్‌లో ఈచిత్రాన్ని విడుద‌ల చేయాల‌ని ద‌ర్శ‌క నిర్మాత‌లు భావించారు. రిలీజ్ డేట్ కూడా ప్ర‌క‌టించారు. కానీ క‌నీసం రెండు వారాలు ఆల‌స్య‌మ‌య్యే అవ‌కాశాలున్నాయ‌ని టాక్‌.

ప్ర‌స్తుతం 'వ‌కీల్ సాబ్‌' షూటింగ్ శ‌ర‌వేగంగా సాగుతోంది. ఈనెలాఖ‌రుకి షూటింగ్ పూర్త‌వ్వాల‌న్న‌ది ప్లాన్‌. కానీ.. ప‌వ‌న్ త్వ‌ర‌లో పంచాయ‌తీ ఎన్నిక‌ల‌లో బిజీ కానున్నారు. స్థానిక సంస్థ‌ల ఎన్నిక‌లు జ‌న‌సేన పార్టీకి చాలా అవ‌స‌రం. ఇప్ప‌టికే అటు క్రిష్ చిత్రానికీ, ఇటు వ‌కీల్ సాబ్‌కీ స‌మానంగా డేట్లు ఇచ్చాడు ప‌వ‌న్‌. ఇప్పుడు క‌నీసం కొన్ని రోజుల పాటైనా షూటింగ్‌కి డుమ్మా కొట్టే అవ‌కాశాలున్నాయి. అందుకే ఎందుకైనా మంచిద‌ని రిలీజ్ డేట్ విష‌యంలో పున‌రాలోచించాల‌ని దిల్ రాజు భావిస్తున్నాడ‌ని టాక్‌. ఒక‌ట్రెండు రోజుల్లో కొత్త రిలీజ్ డేట్ ప్ర‌క‌టించినా ఆశ్చ‌ర్య‌పోవాల్సిన అవ‌స‌రం లేద‌ని ఇన్‌సైడ్ వ‌ర్గాలు చెబుతున్నాయి.