ఈ దీపావ‌ళికి టాలీవుడ్ లో ట‌పాసుల మోత మోగ‌నుంది. పండ‌క్కి కొత్త సినిమాలేం విడుద‌ల కావ‌డం లేదు గానీ, కొత్త సినిమాలకు సంబంధించిన టీజ‌ర్లు రాబోతున్నాయి. `వ‌కీల్ సాబ్ ` టీజ‌ర్ కూడా ఈ పండ‌క్కి రావొచ్చ‌ని అభిమానులు భావిస్తున్నారు. ఇటీవ‌లే `వ‌కీల్ సాబ్` షూటింగ్ మ‌ళ్లీ మొద‌లైన సంగ‌తి తెలిసిందే. పవన్ సెట్లో అడుగు పెట్ట‌డంతో ఆ చిత్ర‌బృందానికే కాదు, అభిమానుల‌కూ ఎన‌లేని హుషారు వ‌చ్చింది.
ఈ సంద‌డిని రెట్టింపు చేయ‌డానికి అన్న‌ట్టు `వ‌కీల్ సాబ్ `టీజ‌ర్‌ని ఇప్పుడు సిద్దం చేస్తున్నార‌ట. దీపావ‌ళికి టీజ‌ర్‌ని విడుద‌ల చేసే అవ‌కాశాలు పుష్క‌లంగా ఉన్న‌ట్టు టాక్‌. ఇప్ప‌టికే టీజ‌ర్ ని క‌ట్ చేసిన‌ట్టు, దానికి త‌మ‌న్ నేప‌థ్య సంగీతం జోడించ‌డంలో బిజీగా ఉన్న‌ట్టు టాక్‌. సంక్రాంతికి ఈ సినిమాని విడుద‌ల చేయాల‌ని చిత్ర‌బృందం భావిస్తోంది. ఈ సినిమా నుంచి ఇప్ప‌టికి ఒకే ఒక్క పాట బ‌య‌ట‌కు వ‌చ్చింది. మ‌రో 4 పాట‌లు సైతం.. విడుద‌ల కావ‌డానికి రెడీగా ఉన్నాయి.
