చిరంజీవి క‌థానాయ‌కుడిగా వాల్తేరు వీర‌య్య సినిమా రూపొందుతున్న సంగ‌తి తెలిసిందే. బాబీ ఈచిత్రానికి ద‌ర్శ‌కుడు. మైత్రీ మూవీస్ నిర్మిస్తోంది. ఇందులో ర‌వితేజ ఓ కీల‌క పాత్ర పోషించ‌నున్నాడు. ఇటీవ‌ల ర‌వితేజ సెట్స్ లోకి వ‌చ్చిన సంగ‌తి తెలిసిందే. చిరు - ర‌వితేజ‌ల‌పై కొన్ని కీల‌క స‌న్నివేశాల్ని తెర‌కెక్కించారు. ఈ సినిమాలో చిరు, ర‌వితేజ ఇద్ద‌రూ స‌వ‌తి సోద‌రులుగా క‌నిపించ‌బోతున్నారని టాక్‌. అంతేకాదు.. చిరు స్మ‌గ్ల‌ర్ అయితే, చిరుని ప‌ట్టుకోవ‌డానికి వ‌చ్చిన స్పెష‌ల్ పోలీస్ ఆఫీస‌ర్‌గా ర‌వితేజ క‌నిపిస్తాడ‌ట‌. వీరిద్ద‌రి మ‌ధ్యా సీన్లు ఈ సినిమాకే హైలెట్ అవుతాయ‌ని ఇండ‌స్ట్రీ వ‌ర్గాల టాక్‌.

స‌వ‌తి సోద‌రుల పోరుతో ఇది వ‌ర‌కు చాలా సినిమాలొచ్చాయి. వాటిలో ఘ‌ర్ష‌ణ గుర్తుండిపోతుంది. మొన్నామ‌ధ్య వ‌చ్చిన టక్ జ‌గ‌దీష్ కూడా ఇలాంటి క‌థే. శోభ‌న్ బాబు - రాజ‌శేఖ‌ర్‌ల బ‌ల‌రామ‌కృష్ణులు కూడా స‌వ‌తి సోద‌రుల క‌థే. అయితే వాటికీ, ఈసినిమాకీ ఎలాంటి సంబంధం లేద‌ని తెలుస్తోంది. ఇది పూర్తిగా అవుట్ అండ్ అవుట్ ఎంట‌ర్టైన‌ర్‌గా సాగ‌బోతోంద‌ట‌. చిరు, ర‌వితేజ‌ల‌పై ఓ మాస్ గీతం కూడా ఉంటుంద‌ని, ఆ పాట‌కు థియేట‌ర్లు ద‌ద్ద‌రిల్లిపోతాయ‌ని టాక్‌.