ఈ ఏడాది డిశంబర్‌లో సినిమాల సందడి ఎప్పుడూ లేని విధంగా ఉంది. చాలా సినిమాలు విడుదలకు రెడీగా ఉన్నది ఈ డిశంబర్‌లోనే. హా.. చిన్న సినిమాలే కదా.. అనుకుంటే పొరపాటే. బాలయ్య, వెంకటేష్‌, రవితేజ వంటి స్టార్‌ హీరోలు కూడా ఈ నెలలోనే పోటీకి దిగుతున్నారు. వారితో పాటే, మెగా మేనల్లుడు సాయి ధరమ్‌ తేజ్‌ 'ప్రతిరోజూ పండగే' అంటూ వచ్చేస్తున్నాడు డిశంబర్‌ 20న. ఇదే డేట్‌ని బాలయ్య కూడా లాక్‌ చేసుకున్నాడు. అలాగే క్రిస్మస్‌ పండక్కి మాస్‌ రాజా రవితేజ డేట్‌ లాక్‌ చేసుకున్నాడు.
వీరితో పాటు, చిన్న హీరోలు కార్తికేయ వంటి వారు కూడా లైన్‌లో ఉన్నారు. అయితే, రిలీజ్‌ డేట్స్‌ విషయంలో క్లాష్‌ అవ్వకుండా అందరికీ ఓ ఐడియా ఉంది. కానీ, 'వెంకీ మామ' విషయంలోనే కొంత డైలమా నెలకొంది. ఆ డైలమాతోనే ఈ బరిలో ఉన్న మిగిలిన హీరోలు టెన్షన్‌ ఫీలవుతున్నారు. 'వెంకీ మామ' మాత్రం రిలీజ్‌ డేట్‌ కన్‌ఫామ్‌గా తెలిస్తే కానీ, వారు ఊపిరి పీల్చుకునేలా లేరు. కానీ, వెంకీమామ కన్‌ఫ్యూజ్‌ అవుతున్నాడా.? లేక కన్‌ప్యూజ్‌ చేస్తున్నాడా.? అనేది తెలియడం లేదు. తెగించి బరిలోకి దూకేశారు. కానీ, 'ఎఫ్‌ 2' ఇమేజ్‌తో 'వెంకీ మామ'పై భారీ అంచనాలున్నాయి. మరి బరిలో పోటీకి టైమ్‌ దగ్గర పడుతోంది. ఇక ఇప్పటికైనా 'వెంకీ మామ' తాను ఎప్పుడొచ్చేది కన్‌ఫామ్‌ చేస్తాడో లేదో చూడాలి మరి. ఉంటే డేట్‌ ఫిక్స్‌ చేసి, డిశంబర్‌లో ఉండు.. లేకుంటే, జనవరికి కానీ, ఫిబ్రవరికి కానీ వెళ్లు మామా..!
