సూప‌ర్ హిట్ చిత్రాల‌కు సీక్వెల్స్ రావ‌డంలో వింత‌లూ, విడ్డూరాలూ ఉండ‌వు. అదో క‌మ‌ర్షియ‌ల్ ట్రిక్‌. వెంక‌టేష్ సినిమా `దృశ్యం` చిత్రానికీ సీక్వెల్ రాబోతోంది. అయితే... ఇదో రీమేక్ సినిమా. మ‌ల‌యాళంలో `దృశ్యమ్` పేరుతో విడుద‌లై ఘ‌న విజ‌యం సాధించింది. మోహ‌న్ లాల్, మీనా జంట‌గా న‌టించారు. జీతూ జోసెఫ్ ద‌ర్శ‌కుడు. మ‌ల‌యాళంలో హిట్ట‌యిన త‌ర‌వాత.. అన్ని భాష‌ల్లోనూ రీమేక్ చేశారు. మంచి ఫలితాలూ వ‌చ్చాయి. ఇప్పుడు `దృశ్యమ్`కి సీక్వెల్ తీయ‌డానికి జీతూ రెడీ అయ్యాడు. మోహ‌న్ లాల్ కూడా ఓకే అన్నాడు. దృశ్యం ఎక్క‌డైతే ఆగిందో, అక్క‌డి నుంచే ఈ సినిమా మొద‌ల‌వుతుంద‌ట.
మ‌ల‌యాళంలో రీమేక్ మొద‌లవుతోంది కాబ‌ట్టి, తెలుగులోనూ దానికి సీక్వెల్ తీయ‌డం ఖాయంగా అనిపిస్తోంది. ఇప్ప‌టికే ఈ సీక్వెల్ పై వెంకీ ఆరా తీస్తున్న‌ట్టు టాక్‌. వెంక‌టేష్‌కి రీమేకులు బాగా అచ్చొచ్చాయి. అందుకే దృశ్యమ్ పై మ‌రోసారి ఆయ‌న మ‌న‌సు పడుతున్నారు. మ‌ల‌యాళంలో విడుద‌లైన త‌ర‌వాతే.. ఆ ఫ‌లితం చూసి తెలుగులో రీమేక్ చేస్తారు. అయితే వెంకీ మాత్రం మ‌ల‌యాళంలో ఎలాంటి ఫ‌లితం వ‌చ్చినా, తెలుగులో రీమేక్ చేయాల‌ని ఫిక్స‌యిన‌ట్టు తెలుస్తోంది.
