రేపు పుట్టినరోజు జరుపుకోనున్న వెంకటేష్ తన అభిమానుల అందరికి ఒక స్వీట్ అనౌన్స్మెంట్ ఇచ్చాడు.
వివరాల్లోకి వెళితే, హారిక హాసిని క్రియేషన్స్ సంస్థ వారు తమ ప్రొడక్షన్ నెం 6 లో వెంకటేష్ తో ఒక చిత్రాన్ని నిర్మించనున్నారు. ఇంకా ఆసక్తి పెంచే అంశం ఏంటంటే ఈ చిత్రానికి త్రివిక్రమ్ దర్శకత్వం వహించనున్నారు. దీనితో వెంకీ అభిమానుల్లోనే కాకుండా మొత్తం సినీ అభిమానుల్లో ఈ సినిమా గురించిన చర్చ మొదలైంది.
ఇక ఇప్పటికే ఎన్టీఆర్ తో ఒక సినిమాకి సంబందించిన పూజ నిర్వహించడం కూడా జరిగిపోయింది. ఇప్పుడు వచ్చిన ప్రకటనతో ఎన్టీఆర్ చిత్రం పైన నీలినీడలు అలుముకున్నాయి.
అయితే త్రివిక్రమ్-ఎన్టీఆర్ సినిమా పూర్తయ్యాకనే వెంకీ-త్రివిక్రమ్ సినిమా మొదలవుతుంది అని తెలిసింది.
