విక్టరీ వెంకటేష్, నాగ చైతన్య హీరోలుగా నటించిన చిత్రం వెంకీ మామ. గత వారం ప్రేక్షకుల ముందుకు వచ్చిన ఈ చిత్రం.. మంచి హిట్ టాక్ ని తెచ్చుకోవడమే కాకుండా, ఫ్యామిలీ ఆడియన్స్ ని సైతం థియేటర్స్ కి రప్పించేలా చేస్తుంది. ఈ సినిమా ఇప్పుడు.. థియేటర్స్ లో మాత్రమే కాకుండా, ప్రైవేట్ బస్సులలో కూడా నడుస్తుంది. అది ఎలా అనుకుంటున్నారా, పైరసీ రూపంలో.. ఈ రోజుల్లో పైరసీ అనేది ఎంత ప్రమాదకరంగా మారిందో మనం చెప్పాల్సిన పనిలేదు.
టెక్నాలజీ పుణ్యమా అని మొదటి షో పూర్తయ్యే లోపే.. పైరసీ ప్రింట్ బయటికి వచ్చేస్తుంది. తాజాగా ఈ సినిమాను జబ్బర్ ట్రావెల్స్ బస్సులో పైరసీ ప్రింట్ ప్రదర్శిస్తుండగా అభిమానులు పట్టుకున్నారు. హైదరాబాద్ నుండి మైసూర్ వెళ్లే బస్సులో ఈ చిత్రాన్ని ప్రదర్శించారు. దీనిపై అభిమానులు ఆగ్రహం వ్యక్తం చేస్తూ, బస్సు డ్రైవర్ పై మండిపడ్డారు. దీనికి సంబంధించిన వీడియా ఇప్పుడు సోషల్ మీడియాలో ట్రెండ్ అవుతుంది.
