'హా హా హాసిని..' అంటూ 'బొమ్మరిల్లు' సినిమాతో తెలుగు ప్రేక్షకుల మనసుల్లో చెరగని ముద్ర వేయించుకున్న ముద్దుగుమ్మ జెనీలియా. తర్వాత పలు విజయవంతమైన చిత్రాల్లో నటించి మెప్పించింది. తన బబ్లీ బాడీ లాంగ్వేజ్‌తో కుర్రోళ్ల మనసుల్ని కొల్లగొట్టింది. ఆ పై బాలీవుడ్‌లోనూ పలు చిత్రాల్లో నటించింది. బాలీవుడ్‌లో బిజీగా ఉన్న టైంలోనే హీరో రితీష్‌ దేశ్‌ముఖ్‌తో లవ్‌లో పడింది. పెళ్లికి పెద్దల అంగీకారం లభించక నానా సినిమా కష్టాలు పడిన ఈ జంట లాంగ్‌ గ్యాప్‌ తర్వాత ఎట్టకేలకు పెద్దల అంగీకారంతో ఒక్కటయ్యారు. ఇప్పుడు రితేష్‌ - జెనీలియా జంటకు రియాన్‌, రేహిల్‌ అను ఇద్దరు కుమారులున్నారు.
లేటెస్ట్‌గా రితీష్‌ దేశ్‌ముఖ్‌ 41వ బర్త్‌డే సందర్భంగా జెనీలియా తన లవ్‌కు స్పెషల్‌గా బర్త్‌డే విషెస్‌ చెబుతూ ఓ స్వీట్‌ అండ్‌ క్యూట్‌ ఫోటోని సోషల్‌ మీడియాలో పోస్ట్‌ చేసింది. తన ఇద్దరు కుమారులతో కలిసి జెనీలియా తన భర్తను ముద్దాడుతున్న ఈ పిక్‌కి నెటిజన్స్‌ నుండి మంచి రెస్పాన్స్‌ వస్తోంది. హీరోయిన్‌గా స్టార్‌ హీరోలందరి సరసనా నటించి మెప్పించిన జెనీలియా ప్రస్తుతం భార్యగా, తల్లిగా ఇంటి పట్టునే ఉండి బాధ్యతలు చూసుకుంటోంది. ఈ మధ్య జెనీలియా సినిమాల్లోకి రీ ఎంట్రీ ఇస్తోందట.. అనే గుసగుసలు వినిపించాయి. కానీ, ఆ గుసగుసలకు సరైన మసాలా దట్టలేదు. దాంతో ఆ వార్తలకు పట్టు చిక్కలేదు. ఏమో ప్రస్తుతానికి జెనీలియాకి ఆ ఆలోచన ఉన్నట్లు లేదు. పెళ్లి తర్వాత కూడా చాలా మంది హీరోయిన్లు కెరీర్‌లో బిజీ అవుతున్న సందర్భాలు అనేకం చూస్తున్నాం. అలా భవిష్యత్తులో జెనీలియా కూడా అలాంటి ఆలోచనలు చేస్తుందేమో చూడాలి.
