రెండు మూడు సినిమాల‌తోనే స్టార్ డ‌మ్ తెచ్చేసుకున్నాడు విజ‌య్ దేవ‌ర‌కొండ‌. ఇప్పుడు విజ‌య్ కాల్సీట్ల కోసం ద‌ర్శక నిర్మాత‌లు క్యూలో ఉన్నాడు. బ‌డా ద‌ర్శ‌కులు కూడా విజ‌య్‌తో ప‌నిచేయ‌డానికి రెడీగా ఉన్నారు. 

అయితే... విజ‌య్ ఇంకా కొత్త ద‌ర్శ‌కుల‌తోనే సినిమాలు చేస్తున్నాడు. మ‌రి పెద్ద ద‌ర్శ‌కుల‌తో ఎప్పుడు చేస్తారు??  అని అడిగితే... ''త‌ప్ప‌కుండా చేస్తా. ఆ అనుభ‌వాల్నీ చ‌వి చూడాలి క‌దా? ప‌్ర‌స్తుతానికి కొత్త ద‌ర్శ‌కులు మంచి క‌థ‌ల‌తో వ‌స్తున్నారు. అందుకే ఆ క‌థ‌లు ప‌ట్టాలెక్కుతున్నాయి. 2019లో ఓ పెద్ద ద‌ర్శ‌కుడితో సినిమా మొద‌లు పెడ‌తా'' అంటున్నాడు విజ‌య్‌.

ఈమ‌ధ్య‌ సుకుమార్ విజ‌య్‌కి ఓ క‌థ చెప్పిన‌ట్టు స‌మాచారం అందుతోంది. కొర‌టాల శివ కూడా విజ‌య్‌తో క‌ల‌సి ప‌నిచేయ‌డానికి ఉత్సాహం చూపిస్తున్న‌ట్టు టాలీవుడ్ టాక్‌. పూరి జ‌గ‌న్నాథ్ - విజ‌య్ కాంబినేష‌న్‌లో ఓ సినిమా రానున్న‌ద‌ని ప్ర‌చారం జ‌రుగుతోంది. మ‌రి ఈ ముగ్గురు ద‌ర్శ‌కుల‌లో ఎవ‌రి కథ‌ని ముందు ఓకే చేస్తాడో చూడాలి. 

విజ‌య్ దేవ‌ర‌కొండ న‌టించిన `టాక్సీవాలా` ఈ శ‌నివారం విడుద‌ల అవుతున్న సంగ‌తి తెలిసిందే.