రౌడీస్టార్తో ముద్దుగుమ్మ కైరా అద్వానీ ఎట్టకేలకు జత కట్టేసింది. అదేంటీ ఏ సినిమా కోసం అనుకుంటున్నారా.? అయితే అసలు వివరాలు తెలియాల్సిందే మీకు. ఈ ఇద్దరూ జత కట్టిన విషయం నిజమే. ఇదేం గాసిప్ కాదు. కానీ, సినిమా కోసం కాదు. ఓ కమర్షియల్ యాడ్ షూట్ కోసం. మీబాజ్ వరల్డ్ అనే సాంప్రదాయ వస్త్ర దుకాణానికి ఈ ఇద్దరూ బ్రాండ్ అంబాసిడర్లుగా వ్యవహరించనున్నారు.
లేటెస్ట్గా వీరిద్దరిపై ఆ యాడ్ షూట్ జరిగింది. ఈ యాడ్లో నటించేందుకు కైరా అద్వానీ, విజయ్ దేవరకొండ సాంప్రదాయ దుస్తులు ధరించి కలర్ఫుల్గా కనిపించారు. ముంబయ్లో ఈ యాడ్ షూట్ జరిగింది. మనీష్ మల్హోత్రా సారధ్యంలో ఈ యాడ్ షూట్ జరిగిందని తెలుస్తోంది. ఈ సందర్భంగా విజయ్ దేవరకొండ బాలీవుడ్ ప్రముఖ దర్శక, నిర్మాత కరణ్ జోహార్ని కూడా మీట్ అయ్యారట.
ఈ నేపథ్యంలో వీరిద్దరి మధ్యా ఫ్యూచర్ ప్రాజెక్టుల డిస్కషన్ వచ్చినట్లు బాలీవుడ్ సమాచారమ్. ఎప్పటి నుండో కరణ్జోహార్ - విజయ్ దేవరకొండ కాంబినేషన్లో సినిమా అని ప్రచారం జరుగుతోంది. అలాగే కైరా అద్వానీతో విజయ్ దేవరకొండ జోడీ అని కూడా జోరుగా ప్రచారం జరిగింది. అయితే, సినిమా కోసం కాదు కానీ, ఎలాగైతేనేం, ఈ జంట ఒక్కటిగా కెమెరాకి చిక్కి, ఫ్యాన్స్ కోరిక తీర్చినట్టయ్యింది.