మహానటి సావిత్రి జీవితం పై తెరకెక్కుతున్న ‘మహానటి’ చిత్రంలో ప్రముఖుల పాత్రలు ఎవరెవరు పోషిస్తారు అన్న అంశం పై మొదటినుండి అందరు ఆసక్తి చూపిస్తున్నారు.
ఇక నటి సావిత్రి సినీ కెరీర్ లో ముఖ్యంగా చెప్పుకునే పేర్లు ఎన్టీఆర్ & ఏఎన్ఆర్. అందులో ఏఎన్ఆర్ పాత్రకి యంగ్ హీరో విజయ్ దేవరకొండని ఎంపిక చేసినట్టు వార్తలు వస్తున్నాయి. విజయ్ కి ఒక ముఖ్య పాత్రకి ఇచ్చి అతనిని ప్రేక్షకులకి పరిచయం చేసింది దర్శకుడు నాగ అశ్విన్.
ఇప్పుడు ఈ మహానటి చిత్రాన్ని కూడా నాగ్ అశ్విన్ దర్శకత్వం వహిస్తుండడంతో ఈ వార్తకి మైలేజ్ వచ్చింది. ఈ తరుణంలో ఈ చిత్రంపైన రోజురోజుకి అంచనాలు పెరిగిపోతున్నాయి. ఇక ఈ చిత్రంలో ఇప్పటికే మోహన్ బాబు, సమంతా, దర్శకుడు క్రిష్, దర్శకుడు తరుణ్ భాస్కర్ లతో పాటుగా ఇప్పుడు విజయ్ కుదఅ చేరడంతో ఈ చిత్రం ఒక పెద్ద మెగా మల్టీస్టారర్ అయింది.
అయితే ఈ వార్తని మహానటి చిత్ర యూనిట్ అధికారికంగా ద్రువీకరించాల్సి ఉంది.
