ఓ యంగ్‌ డైరెక్టర్‌ విజయ్‌ దేవరకొండతో యూత్‌ఫుల్‌ ఎంటర్‌టైనర్‌ని తెరకెక్కించబోతున్నాడట. 'గీత గోవిందం' తరహాలో ఈ సినిమా ఉండబోతుందట. 'గీత గోవిందం' మాదిరి క్లీన్‌గా ఉంటూనే, 'అర్జున్‌రెడ్డి' తరహాలో రా లుక్స్‌లో ఉంటుందట ఈ మూవీ. ఈ సినిమాలో హీరోయిన్‌గా మలయాళ కుట్టి మాళవికా నాయర్‌ పేరును ప్రిఫర్‌ చేశాడట విజయ్‌ దేవరకొండ. 2019 జనవరిలో ఈ సినిమా సెట్స్‌ మీదికెళ్లే అవకాశముంది. ఓ బిగ్‌ బ్యానర్‌ ఈ సినిమాని నిర్మించనుంది. 

మాళవికా నాయర్‌ తొలి సినిమా 'ఎవడే సుబ్రహ్మణ్యం'తో తెలుగు తెరకు పరిచయమైంది. విశేషమేంటంటే విజయ్‌ దేవరకొండకు కూడా ఇదే తొలి చిత్రం. ఈ చిత్రం ద్వారా ఇద్దరికీ మంచి పేరొచ్చింది. ఇకపోతే సెలెక్టివ్‌గా సినిమాలు చేసే మాళవికా నాయర్‌ కెరీర్‌లో ఇంతవరకూ 5 సినిమాల్లో నటిస్తే, వాటిలో మూడు సినిమాలు విజయ్‌ దేవరకొండతోనే నటించింది. అయితే ఈ ఇద్దరూ పూర్తి స్థాయి కపుల్‌గా కనిపించింది లేదు. తాజా చిత్రంలో ఈ జంట పూర్తి స్థాయి కపుల్‌గా అలరించనున్నారట. 

విజయ్‌ నటిస్తున్న 'డియర్‌ కామ్రేడ్‌' చిత్రం పూర్తి కాగానే ఈ సినిమాపై కాన్‌సన్‌ట్రేషన్‌ చేయనున్నాడట. లేటెస్టుగా ప్రేక్షకుల ముందుకొచ్చిన 'టాక్సీవాలా' సినిమాలో ప్రియాంకా జవాల్కర్‌ మెయిన్‌ హీరోయిన్‌ కాగా, మాళవికా 'శిశిర' అనే కీలక పాత్రలో నటించింది.