విజయ్ దేవరకొండ సమంత 'ఖుషి' సినిమాతో బిజీగా వున్నారు. షూటింగ్ లో బాగంగా చిత్ర యూనిట్ కాశ్మీర్ వెళ్ళింది. ఒక యాక్షన్ సీన్ తీస్తుండగా సామ్ విజయ్ గాయపడ్డారని వార్తలు వచ్చాయి. సమంత, విజయ్ కాశ్మీర్‌లోని పహల్గామ్ ప్రాంతంలో స్టంట్ సీక్వెన్స్ చేస్తున్న సమయంలో నదికి రెండు వైపులా కట్టిన తాడుపై వెహికల్‌ నడపవలసి వచ్చిదని, దురదృష్టవశాత్తు వాహనం నదిలో లోతైన నీటిలో పడిపోయిందని. దీంతో ఇద్దరికి గాయాలయ్యాయని వార్తలు వచ్చాయి ప్రమాదం జరిగిన వెంటనే నటీనటులిద్దరినీ వెంటనే దాల్ సరస్సు ఒడ్డున ఉన్న హోటల్‌కి తరలించారని జాతీయ మీడియాలో వినిపించింది.
ఐతే దీనిపై చిత్ర యూనిట్ క్లారిటీ ఇచ్చింది. ఖుషి సినిమా షూటింగ్ లో విజయ్ దేవరకొండ, సమంత లకు గాయాలు అయినట్టు కొన్ని వెబ్ సైట్స్ లో వార్తలు వస్తున్నాయి. అందులో ఎలాంటి వాస్తవం లేదు. టీం అంతా సక్సెస్ ఫుల్ గా కాశ్మీర్ లో 30 రోజుల షూటింగ్ కంప్లీట్ చేసుకొని నిన్న నే హైదరాబాద్ తిరిగి వచ్చారు. రెండో షెడ్యూల్ అతి త్వరలోనే మొదలు కానుంది. దయచేసి ఎలాంటి పుకార్లు నమ్మొద్దని వివరణ ఇచ్చింది.
కశ్మీర్‌ నేపథ్యంలో సాగే ప్రేమ కథా చిత్రమిది. దీన్ని తెలుగు, తమిళ, కన్నడ, మలయాళ భాషల్లో ఈ ఏడాది డిసెంబర్‌ 23న విడుదల చేయడానికి సన్నాహాలు చేస్తున్నారు. శివ నిర్వాణ దర్శకత్వంలో మైత్రీ మూవీ మేకర్స్ ఈ చిత్రాన్ని నిర్మిస్తుంది.
