అర్జున్ రెడ్డి సినిమాతో స్టార్ అయిపోయాడు విజయ్ దేవరకొండ. గీత గోవిందంతో వంద కోట్ల క్ల‌బ్‌లోకి చేరిపోయాడు. అలా విజయ్ క్రేజ్ సినిమా సినిమాకి పెరుగుతూ వెళ్తోంది. ఇప్పుడు బాలీవుడ్‌లో కూడా అడుగుపెట్ట‌బోతున్నాడు విజయ్. క‌పిల్‌దేవ్ క‌థ‌తో '83' అనే చిత్రం తెర‌కెక్కుతోంది. 1983లో భార‌త్ తొలిసారి ప్ర‌పంచ‌క‌ప్ సాధించిన సంగ‌తి తెలిసిందే. ఆ స‌మ‌యంలో జ‌రిగిన ప‌రిణామాల‌న్నీ.. తెరర‌పై చూపించ‌బోతున్నారు.
ఇందులో కొంత‌మంది ద‌క్షిణాది క‌థానాయ‌కుల‌కు స్థానం క‌ల్పించాల‌ని ద‌ర్శ‌కుడు క‌బీర్ ఖాన్‌. క‌పిల్‌దేవ్ పాత్ర‌లో ర‌ణ‌వీర్ సింగ్ న‌టిస్తున్నాడు. కృష్ణ‌మ‌చారి శ్రీ‌కాంత్ పాత్ర కోసం విజయ్ దేవ‌ర‌కొండ‌ని తీసుకున్న‌ట్టు స‌మాచారం. ప్ర‌స్తుతం ఈ సినిమ‌కి సంబంధించిన సంప్ర‌దింపులు జ‌రుగుతున్నాయి. `అర్జున్ రెడ్డి`ని బాలీవుడ్‌లో రీమేక్ చేస్తున్న సంగ‌తి తెలిసిందే. ఈ పాత్ర ముందు విజయ్ ద‌గ్గ‌ర‌కే వ‌చ్చింది. చేసిన పాత్ర‌ని మ‌రోసారి చేయ‌డానికి ఇష్టం చూపించ‌క‌పోవ‌డం వ‌ల్ల.. ఆ అవ‌కాశం చేజారింది. ఇప్పుడు క‌పిల్ బ‌యోపిక్‌కి విజయ్ గ్రీన్ సిగ్న‌ల్ ఇస్తాడో, లేదో చూడాలి.
