తమిళ స్టార్ హీరో ఇళయతలపతి విజయ్ ఈ దీపావళికి మెర్సల్ చిత్రంతో ప్రేక్షకుల ముందుకి వచ్చాడు.
ఈ చిత్రం విడుదలైన మొదటిరోజే తమిళనాట అలాగే ఓవర్సీస్ లో సైతం ముందున్న రికార్డ్స్ అన్నిటిని బద్దలుకోట్టేసింది. మొదటిరోజు ఈ చిత్రం సుమారు రూ 22కోట్ల మేర వసూళ్ళు రాబట్టి రికార్డు నిలిపింది. ఇక ఈ చిత్రం ఓవర్సీస్ లో సైతం తన సత్తా చాటుతున్నది.
బాలీవుడ్ హీరోలు ఆమిర్ ఖాన్, షారుఖ్ ఖాన్ చిత్రాల మొదటిరోజు కలెక్షన్స్ (ఓవర్సీస్) లో ఇది అధిగమించి ఒక నూతన రికార్డుకి తెరతీసింది. ఇదిలావుంటే, మెర్సల్ చిత్రంతో విజయ్ స్టార్ డం మరింతగా పెరిగినట్టు కోలీవుడ్ వర్గాల సమాచారం.
మొత్తానికి ఈ దీపావళి తమిళనాట ప్రేక్షకులకి మెర్సల్ ఒక పండగ కానుకగా మారింది.
