'బిగ్ బాస్ సీజ‌న్ 4' త్వ‌ర‌లోనే ప్రారంభం కాబోతోంది. ఈ షోలో పాల్గొనే సెల‌బ్రెటీల లిస్టు దాదాపుగా ప్రిపేర్ అయిపోయిన‌ట్టే. అయితే బిగ్ బాస్ ని హోస్ట్ చేసేది ఎవ‌రో మాత్రం తెలియ‌డం లేదు. ముందు నాగార్జున ని అనుకున్నారు. ఇది వ‌ర‌కే బిగ్ బాస్ ని న‌డిపించిన అనుభ‌వం నాగ్ కి ఉంది కాబ‌ట్టి... ఆయ‌న ఆడుతూ పాడుతూ ఈ షోని న‌డిపించేస్తాడ‌నుకున్నారు.
అయితే ఆ త‌ర‌వాత స‌మంత పేరు వినిపించింది. త‌ను కూడా కాద‌ని తెలిసిపోయింది.ఆ త‌ర‌వాత రానా అన్నారు. ఇప్పుడు విజ‌య్ దేవ‌ర‌కొండ పేరు వినిపిస్తోంది. అయితే విజ‌య్ కూడా ఈ షో చేయ‌డం లేద‌ని తేలిపోయింది. విజ‌య్ ద‌గ్గ‌ర‌కు అస‌లు ఇలాంటి ప్రతిపాద‌నే రాలేద‌ని క్లారిటీ ఇచ్చారు విజ‌య్ స‌న్నిహితులు. 90 శాతం నాగార్జున‌నే ఖాయం అయ్యే అవ‌కాశాలున్నాయ‌ని, నాగ్ కి కుద‌ర‌ని ప‌క్షంలో అప్పుడు మ‌రో స్టార్‌ని సంప్ర‌దిస్తామ‌ని 'బిగ్ బాస్' కాంపౌండ్ వ‌ర్గం చెబుతోంది. మ‌రి ఈలోగా ఈ పేర్ల‌న్నీ ఎలా బ‌య‌ట‌కు వ‌స్తున్నాయో.. ఏమో..?
