రాజకీయాల కోసం సినిమాలకు గుడ్‌బై చెప్పేసిన సీనియర్‌ నటి విజయశాంతి దాదాపు 13 ఏళ్ల గ్యాప్‌ తర్వాత మల్లీ ముఖానికి రంగు వేసుకోబోతున్నారు. మహేష్‌బాబు నటిస్తోన్న 'సరిలేరు నీకెవ్వరు' సినిమాతో విజయశాంతి రీ ఎంట్రీ ఇవ్వనున్నారు. అనిల్‌ రావిపూడి ఈ సినిమాకి దర్శకుడు అన్న సంగతి తెలిసిందే. ఇక అనిల్‌ సినిమాల విషయానికి వచ్చేసరికి లేడీస్‌ క్యారెక్టర్స్‌కి ఇంపార్టెన్స్‌ ఇస్తుంటాడు తన సినిమాల్లో. 'పటాస్‌', 'రాజా ది గ్రేట్‌' సినిమాల విషయానికి వస్తే, లేడీస్‌తో ఓ యాక్షన్‌ ఎపిసోడ్స్‌నే చిత్రీకరించేశాడీ యంగ్‌ డైరెక్టర్‌. అలాంటిది విజయశాంతి వంటి టాలెంటెడ్‌ సీనియర్‌ నటితో ఇంకేం చేయిస్తాడో ఊహిస్తేనే, ఆ ఊహ చాలా ఘనంగా ఉంటుంది.

అసలింతకీ విజయశాంతి కోసం అనిల్‌ రావిపూడి ఎలాంటి క్యారెక్టర్‌ సిద్ధం చేసి ఉంచాడో తెలుసా.? అది ఓ పవర్‌ఫుల్‌ క్యారెక్టర్‌. ఊరు బాగు కోసం పాటుపడే ఓ ఫ్యాక్షన్‌ లీడర్‌ పాత్ర అనీ తెలుస్తోంది. ఆ పాత్రలో ఎంతో డెప్త్‌ ఉంటేనే కదా ఇన్నాళ్లుగా ఎన్ని మంచి పాత్రలు ఆఫర్‌ చేసినా విజయశాంతి ఈ సినిమాకి గ్రీన్‌ సిగ్నల్‌ ఇచ్చి, రీ ఎంట్రీ షురూ చేసింది. మహేష్‌బాబు పాత్రకు ధీటుగా ఉండే పాత్రట అది. ఇక మహేష్‌ విషయానికి వస్తే, ఆయన ప్రస్తుతం విదేశాల్లో ఫ్యామిలీతో ఎంజాయ్‌ చేస్తున్నారు. ఇటలీలో సందడి చేస్తున్న సూపర్‌స్టార్‌ టూర్‌ ముగించుకుని త్వరలోనే ఇండియాకి రానున్నారు. వచ్చాక 'సరిలేరు నీకెవ్వరు' సినిమాని పట్టాలెక్కించనున్నారు. ఈ సినిమాలో రష్మికా మండన్నా హీరోయిన్‌గా నటిస్తోంది.