చిరంజీవి - విజ‌య‌శాంతి సూప‌ర్ డూప‌ర్ కాంబినేష‌న్‌. వీరిద్ద‌రి కాంబోలో సూప‌ర్ హిట్లు చాలా ఉన్నాయి. గ్యాంగ్ లీడ‌ర్ త‌ర‌వాత ఇద్ద‌రికీ మ‌నస్ప‌ర్థ‌లు వ‌చ్చాయ‌ని, ఇద్ద‌రూ గొడ‌వ ప‌డ్డార‌ని చెప్పుకున్నారు. చిరు ప్ర‌జారాజ్యం పార్టీ స్థాపించిన త‌ర‌వాత కూడా విజ‌య‌శాంత చిరుని విమ‌ర్శిస్తూ కాస్త ఘాటైన వ్యాఖ్య‌లే చేసింది. అయితే అదంతా గ‌తం. ఇప్పుడు వీరిద్ద‌రూ మ‌రోసారి క‌లిసి ప‌నిచేయ‌డానికి రెడీ అవుతున్నార‌ని టాక్‌.

చిరంజీవి క‌థానాయ‌కుడిగా కొర‌టాల శివ ద‌ర్శ‌క‌త్వంలో ఓ చిత్రం తెర‌కెక్కుతోంది. ఈ చిత్రంలో ఓ కీల‌క పాత్ర కోసం విజ‌య‌శాంతిని సంప్ర‌దించిన‌ట్టు తెలుస్తోంది. ఈ మ‌ధ్య రాములమ్మ కూడా సినిమాల‌వైపు దృష్టి నిలిపింది. `స‌రిలేరు నీకెవ్వ‌రు`లో ఓ కీల‌క పాత్ర పోషిస్తోంది. చిరు సినిమాకీ విజ‌య‌శాంతి గ్రీన్ సిగ్న‌ల్ ఇచ్చేసింద‌ని, త్వ‌ర‌లో రాములమ్మ ఎంట్రీ పై ఓ అధికారిక ప్ర‌క‌ట‌న వ‌స్తుంద‌ని స‌మాచారం.