విక్రమ్‌ తనయుడితో శంకర్‌ భారీ చిత్రం?

By iQlikMovies - October 01, 2018 - 14:47 PM IST

మరిన్ని వార్తలు

శంకర్‌ దర్శకత్వంలో విక్రమ్‌ నటించిన సూపర్‌ హిట్‌ సినిమా 'అపరిచితుడు'. ఈ కాంబినేషన్‌లోనే వచ్చిన మరో భారీ చిత్రం 'ఐ' అంచనాల్ని మాత్రం అందుకోలేకపోయింది. అయితే విజువల్‌ వండర్‌గా 'ఐ' గురించి చెప్పుకుంటూనే వున్నాం. విజువల్‌ ఎఫెక్ట్స్‌ అంటే శంకర్‌కి చాలా ఇష్టం. తన సినిమాల్లో భారీ తనానికే ఆయన పెద్ద పీఠ వేస్తుంటాడు. 

ఈ విలక్షణ దర్శకుడు ప్రస్తుతం '2.0' సినిమా రిలీజ్‌ పనుల్లో బిజీగా వున్నాడు. ఈ సినిమా రిలీజ్‌ అవగానే, 'భారతీయుడు' సీక్వెల్‌ని పట్టాలెక్కిస్తాడు. కమల్‌హాసన్‌ హీరోగా నటించనున్న సినిమా ఇది. దీంట్లో మాత్రం ఎలాంటి గ్రాఫిక్స్‌ వుండబోవట. అయితే ఆ తర్వాతి సినిమాని మాత్రం భారీ స్థాయిలో ప్లాన్‌ చేస్తున్నట్లు శంకర్‌ చెప్పాడు. 

మరోపక్క ఈ సినిమాకి హీరో విక్రమ్‌ నిర్మాతగా వ్యవహరిస్తాడనీ, విక్రమ్‌ తనయుడు ధృవ్‌ హీరోగా నటించబోతున్నాడనీ, సూపర్‌ హీరో లాంటి కథాంశంతో ఈ సినిమా తెరకెక్కనుందనీ కోలీవుడ్‌లో గుసగుసలు చక్కర్లు కొట్టేస్తున్నాయ్‌. ధృవ్‌ ప్రస్తుతం 'అర్జున్‌రెడ్డి' తమిళ రీమేక్‌లో కన్పించనున్న సంగతి తెల్సిందే. 

ఈ సినిమా తర్వాత కొంత కాలం గ్యాప్‌ తీసుకుంటాడట ధృవ్‌. ఎందుకంటే, సినిమాకి సంబంధించిన పలు అంశాలపై ధృవ్‌ శిక్షణ తీసుకుంటున్నాడు. తిరిగొచ్చాక, శంకర్‌ దర్శకత్వంలో ధృవ్‌ తన తదుపరి సినిమా చేయబోతున్నాడని సమాచారమ్‌.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS