హీరో విశాల్‌ ఏం చేసినా కొంచెం డిఫరెంట్‌గానే చేస్తూ ఉంటాడు. సామాజిక అంశాలపై కొంచెం తొందరగా స్పందిస్తూ ఉంటాడు. సామాజిక బాధ్యతతో కూడుకున్న వ్యక్తిత్వం విశాల్‌ది. తాజాగా విశాల్‌ నటిస్తున్న సినిమా 'తుప్పరివాలన్‌'. ఈ సినిమాకి సంబంధించి హీరో విశాల్‌ ఓ బంపర్‌ ఆఫర్‌ ఇచ్చాడు. అదేంటంటే ఈ సినిమా కోసం కొనుగోలు చేసే ప్రతీ టికెట్‌లోంచి ఓ రూపాయిని రైతుల కోసం కేటాయించనున్నాడట హీరో విశాల్‌. ఇలాంటి ఆలోచన రావడం నిజంగా చాలా గొప్ప విషయం. తమ అభిమాన హీరో ఇంత మంచి ఆలోచన చేయడంతో అభిమానులు ఆనందిస్తున్నారు. దేశంలో రైతన్నల పరిస్థితి చాలా దారుణంగా ఉంది. అందులోనూ తమిళనాడులో రైతుల పరిస్థితి మరీను. గతంలో రైతులు తమ సమస్యను ప్రభుత్వానికి తెలియపరిచేందుకు అనేక ర్యాలీలు చేపట్టారు కూడా. అయినా ప్రభుత్వం దిగి రాలేదు. మరో పక్క సినీ రంగంతో పాటు విశాల్‌ రాజకీయ రంగంలోనూ రాణిస్తున్నాడు. ఈ రోజు 'తుప్పరివాలన్‌' సినిమా ప్రేక్షకుల ముందుకు వస్తోంది. రైతుల సాయం సంగతి పక్కన పెడితే, విశాల్‌ ఇచ్చిన ఈ బంపర్‌ ఆఫర్‌తో సినిమాకి మంచి ప్రమోషన్‌ దక్కినట్లయ్యింది. 'ఒక్క రూపాయి' అంటూ సింపుల్‌ కాన్సెప్ట్‌ని ఎంచుకుని విశాల్‌ పబ్లిసిటీ స్టంట్‌ బాగానే చేశాడండోయ్‌. విశాల్‌ భలే తెలివైనోడే.