‘హిట్‌’ సినిమా.. చిన్న సినిమాగా స్టార్ట్‌ అయ్యింది. కానీ, రిలీజ్‌ దగ్గర పడే సమయానికి పెద్ద సినిమాగా ప్రమోషన్‌ కొట్టేసింది. రాజమౌళి వంటి పెద్దల అండా దండా ఫుల్‌గా సంపాదించింది. అయినా మిన్నకుండలేదు. ప్రమోషన్స్‌ పరంగా హోరెత్తించేస్తోంది. రీసెంట్‌గా రిలీజ్‌ చేసిన నాుగున్నర నిముషాల నిడివి వీడియో బాగా క్లిక్‌ అయ్యింది. అలాగే వైజాగ్‌లో ఓ భారీ ఈవెంట్‌ జరిగింది. ఈ ఈవెంట్‌ కూడా సూపర్‌ ‘హిట్‌’ అయ్యింది. ఇక రిలీజ్‌కి కొద్ది గంటలు మాత్రమే మిగిలి ఉంది. అన్ని వైపుల నుండి ‘హిట్‌’ వైబ్సే వస్తుండడంతో సినిమాకి ‘హిట్‌’ పక్కా అని ఓ అంచనాకి వచ్చేశారు.
ఇక లిమిటెడ్‌ బడ్జెట్‌తోనే రూపొందిన సినిమా కాబట్టి, ఓపెనింగ్స్‌తోనే సినిమా సేఫ్‌ జోన్‌లో పడొచ్చునని ట్రేడ్‌ పండితులు అంచనా వేస్తున్నారు. ‘అ’ సినిమా కోసం నేచురల్‌ స్టార్‌ నాని స్టార్ట్‌ చేసిన నిర్మాణ సంస్థ వాల్‌ పోస్టర్‌ బ్యానర్‌లో రూపొందుతోన్న రెండో సినిమా ఇది. తొలి సినిమాతో నాని అంచనాలు రివర్స్‌ అయినా, ఈ సినిమాతో జంప్‌ కొట్టే ఛాన్సే లేదనిపిస్తోంది. మల్టీ టాలెంటెడ్‌ అయిన విశ్వక్‌సేన్‌ నటన ఈ సినిమాకి ప్లస్‌ కానుంది. అలాగే రుహానీ శర్మ అందచందాలు మరో స్పెషల్‌ అట్రాక్షన్‌ అనేలా ఉన్నాయి. చూడాలి మరి, టైటిల్‌లో ఉన్న విజయం రిజల్ట్‌లోనూ కనిపిస్తుందో లేదో.
