ఇండియన్ సినిమా చరిత్రలో సంచలన రికార్డ్ లు సృష్టించిన సినిమా బాహుబలి 2. ఇప్పుడు ఆ రికార్డును అధిగమించిన సినిమా కోలీవుడ్ స్టార్ హీరో అజిత్ హీరోగా నటించిన వివేగం. ప్రపంచ వ్యాప్తంగా రిలీజ్ అయిన ఈ సినిమా తొలి రెండు రోజుల్లోనే రూ. 66 కోట్లు వసూలు చేసింది.

ఇక ఈ సినిమా చెన్నై బాక్సాఫీస్ వద్ద కలెక్షన్ల సునామీ సృష్టిస్తుంది. చెన్నై లో ఈ సినిమా బాహుబలి 2 ని వెనక్కి నెట్టేసింది. తొలి మూడు రోజుల్లో బాహుబలి 2 రూ. 3.24 కోట్లు వసూలు చేయగా, వివేగం మొదటి మూడు రోజుల్లో రూ. 4.28 కోట్లు వసూలు చేసి ఆ రికార్డ్ బద్ధలు కొట్టింది. ఈ రికార్డ్ తో ఈ సంవత్సరం రిలీజ్ అయిన కోలీవుడ్ బిగ్గెస్ట్ మూవీస్ లో వివేగం మొదటిగా నిలిచింది.

ఆగస్ట్ 24 న రిలీజ్ అయిన వివేగం మూవీలో అజిత్ తో పాటు వివేక్ ఒబెరాయ్, కాజల్ అగర్వాల్, అక్షరా హాసన్ ప్రధాన పాత్రల్లో నటించారు. వివేగం సినిమాని రూ. 100 కోట్ల బడ్జెట్ తో నిర్మించగా, బాహుబలి 2 సినిమాని రూ. 250 కోట్ల బడ్జెట్ తో నిర్మించారు.