నాని ఇది వ‌ర‌కు కొత్త ద‌ర్శ‌కుల‌కు అవ‌కాశాలు ఇచ్చేవాడు. ధైర్యం చేసేవాడు. ఇప్పుడు హిట్ ద‌ర్శ‌కుల వెంట ప‌డుతున్నాడు. ప్ర‌స్తుతం ట‌క్ జ‌గ‌దీష్ సినిమా చేస్తున్నాడు నాని. `వి` ఈ నెల‌లోనే విడుద‌ల కాబోతోంది. ఇప్పుడు మ‌రో సినిమా ఓకే చేశాడు. మెంట‌ల్ మ‌దిలో, బ్రోచేవారెవ‌రురా సినిమాల‌తో ఆక‌ట్టుకున్న ద‌ర్శ‌కుడు వివేక్ ఆత్రేయ‌. 2019లో విడుద‌లైన బ్రోచేవారెవ‌రురా అయితే.. అన్ని వ‌ర్గాల ప్రేక్ష‌కుల్నీ ఆక‌ట్టుకుంది.

ఆర్థిక ప‌ర‌మైన విజ‌యాన్నీ అందుకుంది. ఇప్పుడు నాని కోసం ఓ క‌థ సిద్ధం చేశాడు వివేక్‌. ఆ క‌థ విన్న వెంట‌నే నాని కూడా ఓకే చెప్పేశాడు. ఈ సినిమాని మైత్రీ మూవీస్ సంస్థ నిర్మించ‌బోతోంది. ట‌క్ జ‌గ‌దీష్ ఇటీవ‌లే ప‌ట్టాలెక్కింది. ఆ సినిమాతోనే సమాంత‌రంగా ఈ సినిమానీ పూర్తి చేస్తార‌ని టాక్‌.