మెగా కుటుంబానికి అత్యంత స‌న్నిహితుడు వి.వి.వినాయక్. చిరంజీవితో `ఠాగూర్‌`, `ఖైది నెం.150` లాంటి సినిమాలు తీసి, హిట్లు ఇచ్చాడు. అవి రెండూ రీమేకులే. ఇప్పుడు మ‌రో రీమేకుతో హ్యాట్రిక్ కొట్ట‌డానికి సిద్ధం అవుతున్నాడ‌ని టాక్‌. అవును.. చిరు - వినాయక్ ల కాంబో మ‌ళ్లీ సెట్ట‌య్యే అవ‌కాశాలు పుష్క‌లంగా క‌నిపిస్తున్నాయి. ఈ ఇద్ద‌రూ ముచ్చ‌ట‌గా మూడోసారి జోడీ క‌ట్ట‌బోతున్నారు.
ఈసారి కూడా ఓ త‌మిళ సూప‌ర్ హిట్ సినిమాని రీమేక్ చేస్తార‌ని స‌మాచారం. అయితే ఆ సినిమా ఏమిట‌న్న వివ‌రాలు బ‌య‌ట‌కు రావాల్సివుంది. సాయిధ‌ర‌మ్ తేజ్ తో `ఇంటిలిజెంట్‌` తీశాక - మ‌ళ్లీ మెగాఫోన్ ప‌ట్ట‌లేదు వినాయక్. మ‌ధ్య‌లో బాల‌య్య‌తో ఓ సినిమా అన్నారు. కానీ అది వ‌ర్క‌వుట్ అవ్వ‌లేదు. హీరోగానూ ఓ సినిమా మొద‌లైంది. కానీ అది మ‌ధ్య‌లోనే ఆగిపోయింది. దాంతో.. ఈసారి డైర‌క్ష‌న్‌పై సీరియ‌స్ గా దృష్టి పెట్టి, చిరు కోసం ఓ రీమేక్ క‌థ సిద్ధం చేస్తున్నార‌ని తెలుస్తోంది.
