వినాయక్ త్వ‌ర‌లో రాజ‌కీయాల్లో చేర‌తారా?  జ‌న‌సేన జెండా ప‌ట్టుకుంటారా?  అవున‌నే ప్ర‌చారం జ‌రుగుతోంది టాలీవుడ్ లో. వినాయ‌క్ రాజ‌కీయాల్లోకి వ‌స్తార‌న్న వార్త ఇప్ప‌టిది కాదు. ఎప్ప‌టి నుంచో..  ఈ విష‌యం న‌లుగుతూనే ఉంది. అయితే ఆయ‌న ఏ పార్టీలోకి వెళ్తార‌న్న విష‌యంలో స్ప‌ష్ట‌త లేదు. 

ఈ విష‌యంలో ఇప్పుడు ఓ క్లారిటీ వ‌చ్చిన‌ట్టు క‌నిపిస్తోంది. వినాయ‌క్ రాజ‌కీయ ప్ర‌వేశం ఖాయ‌మ‌ని, ఆయ‌న త్వ‌ర‌లో జ‌న‌సేన పార్టీ లో చేర‌బోతున్నార‌ని, ప‌వ‌న్ క‌ల్యాణ్ అవ‌కాశం ఇస్తే.. ఉభ‌య గోదావ‌రి జిల్లాల‌లో ఏదో ఓ నియోజ‌క వ‌ర్గం నుంచి ఎం.ఎల్‌.ఏగా పోటీ చేస్తారన్న వార్త‌లు వినిపిస్తున్నాయి. వినాయ‌క్ మెగా కాంపౌండ్‌కి కావ‌ల్సిన వ్య‌క్తి. చిరు రిక‌మెండేష‌న్ కూడా గ‌ట్టిగా ప‌నిచేయొచ్చు. పైగా సామాజిక స‌మీక‌ర‌ణాలు కూడా దోహ‌దం చేస్తాయి. 

వినాయ‌క్ గ‌త కొంత‌కాలంగా.. రాజ‌కీయాల‌వైపు దృష్టిసారించార‌ని, అందుకే సినిమాల గురించి పెద్ద‌గా ఆలోచించ‌డం లేద‌ని ఆయ‌న సన్నిహితులే హింట్ ఇస్తున్నారు. ఆంధ్ర‌లో ఎన్నిక‌ల వేడి ఇప్పుడిప్పుడే రాజుకుంటోంది. వినాయ‌క్‌కి కూడా ఇదే మంచి త‌రుణం. 

మ‌రి.. అందుకు ముహూర్తం ఎప్పుడు ఫిక్స్ చేస్తాడో చూడాలి.