'అమీ తుమీ' సినిమాతో హీరోయిన్‌గా పరిచయమైన తెలుగు భామ అదితీ మేఖల్‌. ఆ తర్వాత పలు చిత్రాల్లో నటించింది. కానీ పెద్దగా గుర్తింపు రాలేదు. లేటెస్ట్‌గా అదితీ 'మిఠాయి' మూవీతో ప్రేక్షకుల ముందుకు రానుంది. ప్రశాంత్‌ కుమార్‌ దర్శకత్వంలో ఈ సినిమా తెరకెక్కుతోంది. ఓ నలుగురు కుర్రాళ్లకు సంబంధించిన డిఫరెంట్‌ స్టోరీస్‌ని ఈ సినిమాలో చూపిస్తున్నారు.
రాహుల్‌ రామకృష్ణ, ప్రియదర్శి, కమల్‌ కామరాజు, రవివర్మ ప్రధాన పాత్రలు పోషించారు. ఈ సినిమాలో నలుగురు ముద్దుగుమ్మలు నటిస్తున్నారు. డార్క్‌ కామెడీ చిత్రంగా ఈ చిత్రాన్ని రూపొందిస్తున్నారు. ఫిబ్రవరి 22న చిత్రాన్ని ప్రేక్షకుల ముందుకు తీసుకురానున్నారు. కాగా ఈ సినిమాలోని నలుగురు ముద్దుగుమ్మలతో పాటు అదితీ మేఖల్‌ ఓ హీరోయిన్‌గా నటిస్తోంది. తెలుగమ్మాయ్‌. మంచి విషయం ఉంది.
అయితే సరైన హిట్‌ దక్కితేనే కదా, పాపులర్‌ అయ్యేది. ఆ హిట్‌ ఈ సినిమాతో దక్కనుందని ఆశిస్తోందీ ముద్దుగుమ్మ. సినిమాల సంగతి ఎలా ఉన్నా, సోషల్‌ మీడియాలో అప్పుడప్పుడూ హాట్‌ హాట్‌ పిక్స్‌తో రెచ్చిపోవడం కూడా అమ్మడికి అలవాటే. ఈ మధ్య డార్క్‌ కామెడీ చిత్రాలు అనూహ్యంగా విజయం సాధిస్తున్నాయి తెలుగులో. అలా ఈ పిల్లకీ లక్కు చిక్కి 'మిఠాయి'లోని తియ్యదనం ఆడియన్స్‌ని ఎట్రాక్ట్‌ చేసి, సినిమాని హిట్‌ చేశారంటే, మన తెలుగమ్మాయి అదితీ పాపులర్‌ అయిపోవడం ఖాయం.
