కన్నడ నటుడు యష్‌ 'కేజీఎఫ్‌'తో యూనివర్సల్‌ హీరో అయిపోయాడు. ప్రస్తుతం ఇదే జోష్‌తో 'కేజీఎఫ్‌ 2'లో నటిస్తున్నాడు యష్‌. ఇక పూరీ తాజాగా 'ఇస్మార్ట్‌ శంకర్‌' సినిమాతో సూపర్‌ డూపర్‌ హిట్‌ కొట్టి, తన స్టార్‌డమ్‌ని తిరిగి తెచ్చేసుకున్నాడు. ఇదే ఊపుతో త్వరలోనే 'ఇస్మార్‌ శంకర్‌ 2'ని కూడా పట్టాలెక్కించేస్తానంటున్నాడు. ఇదిలా ఉంటే, తాజాగా అందుతోన్న సమాచారమ్‌ ప్రకారం పూరీజగన్నాధ్‌ ఓ వినూత్న ప్రయోగం చేయబోతున్నాడట. కన్నడ నటుడు యష్‌తో సినిమాకి రంగం సిద్ధం చేస్తున్నాడట.
కాసేపు ఫ్లాస్‌ బ్యాక్‌లోకి వెళితే, అప్పుడెప్పుడో మహేష్‌బాబు కోసం పూరీ 'జనగనమన' స్క్రిప్టుని సిద్ధం చేసుకున్న సంగతి అందరికీ తెలిసిందే. కానీ, హిట్స్‌ లేక, రేసులో వెనకబడిపోయిన పూరీతో సినిమాకి స్టార్‌ హీరోలు ముందుకు రాకపోవడంతో, ఆ స్క్రిప్టు అలా మూలన పడిపోయింది. కానీ ఇస్మార్ట్‌ హిట్‌తో పూరీ దశ తిరిగిపోయింది. కానీ, పూరీతో మహేష్ సినిమా చేసేందుకు ప్రస్తుతం సిద్ధంగా లేడు.
అదీ కాక, ఈ మధ్య మహేష్‌కీ, పూరీకీ ఇంటర్నల్‌గా సైలెంట్‌ వార్‌ నడుస్తున్న సంగతి కూడా తెలిసిందే. దాంతో పూరీ, మహేష్‌కి పెద్ద షాకిచ్చినట్లు తెలుస్తోంది. 'జనగనమన' స్క్రిప్టును యష్‌తో తెరకెక్కించాలనుకుంటున్నాడట. ఆల్రెడీ స్క్రిప్టు యష్‌కి వినిపించాడట. ఆయనకు బాగా నచ్చేసిందట. కలిసి పని చేద్దామన్నాడట. ఇప్పుడీ ప్రచారం టాలీవుడ్‌లో సెన్సేషన్‌ అయ్యింది. ఒకవేళ ఈ గాసిప్‌ నిజమై, యష్‌ - పూరీ కలిసి పని చేస్తే.. ఆ సెన్సేషన్‌ ఎలా ఉండబోతోందో ఊహించడమే కష్టంగా ఉంది కదూ.! ఏం జరుగుతుందో చూడాలిక.
