య‌శ్‌.. ఇప్పుడు దేశ‌మంతా మార్మోగిపోతున్న పేరు. ప్ర‌భాస్ త‌ర‌వాత‌.. అస‌లు సిస‌లైన పాన్ ఇండియా స్టార్ గా ఎదిగిన హీరో. కేజీఎఫ్ 2 త‌ర‌వాత య‌శ్ ఎవ‌రితో సినిమా చేస్తాడ‌న్న విష‌యంపై ఇంకా ఎలాంటి క్లారిటీ లేదు. య‌శ్ కి క‌థ చెప్పాల‌ని స్టార్ డైరెక్ట‌ర్లంతా క‌ల‌లు కంటున్నారు. య‌శ్ కోరుకుంటే.. ఇండియాలోనే టాప్ 5 ద‌ర్శ‌కుల‌తో సినిమాలు చేయ‌గ‌ల‌డు. కానీ.. ఇప్పుడు ఓ కొత్త ద‌ర్శ‌కుడికి య‌శ్ అవ‌కాశం ఇవ్వ‌బోతున్న‌ట్టు... ఫిల్మ్‌న‌గ‌ర్‌లో టాక్ వినిపిస్తోంది. త‌నే నార్థ‌న్‌.

క‌న్న‌డ‌లో మ‌ఫ్తీ అనే సినిమా తీశాడు నార్థ‌న్‌. అది మంచి హిట్ అయ్యింది. ఆ త‌ర‌వాత మ‌రో సినిమా చేశాడు. అదీ బాగానే ఆడింది. రెండు సినిమాల అనుభ‌వం మాత్ర‌మే ఉన్న న‌ర్థ‌న్ తో.. య‌శ్ ఓ సినిమా చేయ‌డానికి అంగీక‌రించ‌డం క‌న్న‌డ‌సీమ‌లో హాట్ టాపిక్ అయి కూర్చుంది. నిజానికి కేజీఎఫ్ కంటే ముందు న‌ర్థ‌న్ తో ఓ సినిమా చేస్తాన‌ని య‌శ్ మాట ఇచ్చాడ‌ట‌. య‌శ్ కోసం ఓ క‌థ కూడా సిద్ధం చేసి రెడీగా ఉన్నాడ‌ట న‌ర్థ‌న్‌. అందుకే ఇచ్చిన మాట కోసం ఈ కుర్ర ద‌ర్శ‌కుడితో సినిమా చేయ‌డానికి య‌శ్ ముందుకొచ్చాడు. అయితే ఈ క‌థ కూడా పాన్ ఇండియా స్థాయిలోనే ఉంద‌ట‌.యాక్ష‌న్‌కి పెద్ద పీట వేశార‌ని తెలుస్తోంది. అగ్ర ద‌ర్శ‌కుల్ని కాద‌ని య‌శ్ ఓ కొత్త వాడికి అవ‌కాశం ఇచ్చాడు. మ‌రి న‌ర్థ‌న్ త‌న‌ని తాను ఎలా నిరూపించుకుంటాడో చూడాలి.