1980లలో చిత్రసీమలో అడుగుపెట్టిన నటీనటులు 80’s రీ-యూనియన్ పేరిట ప్రతి సంవత్సరం కలవడం ఒక రెండు రోజులు సంతోషంగా గడపడం గత కొన్నేళ్ళుగా చూస్తూనే ఉన్నాం. అలాగే పోయిన వారం కూడా ఈ నటులంతా చెన్నైలో కలిశారు, దీనికి సంబందించిన ఫోటోలుకూడా బయటకి వచ్చాయి.

అయితే ఇందులో బాలకృష్ణ లేకపోవడం ఇప్పుడు చర్చనీయంశంగా మారింది. ప్రతిసంవత్సరం ఈ రీ-యూనియన్ లో పాల్గొనే బాలయ్య, ఈసారి ఎందుకు హాజరుకాలేదు అన్న సందేహాలు మొదలయ్యాయి. ఇక బాలకృష్ణ సన్నిహిత వర్గాలు మాత్రం- బాలయ్య ప్రస్తుతం జైసింహ చిత్రం తాలుకా డబ్బింగ్ కార్యక్రమాలతో అలాగే అమరావతిలో అసెంబ్లీ సమావేశాలు జరుగుతున్న నేపధ్యంలో ఈ రీ-యూనియన్ కి గైర్హాజారు అయినట్టుగా చెబుతున్నారు.

బాలకృష్ణ నే కాకుండా రజినీకాంత్, ప్రభు, అర్జున్, సుమన్, అంబరీష్, సత్యరాజ్, మోహన్ లాల్ లు ఈ సంవత్సరం ఈ రీ-యూనియన్ మిస్ అయిన వారిలో ఉన్నారు. ఇక ఈ రీ-యూనియన్ లో అలనాటి తారలు- చిరంజీవి, జయసుధ, సుహాసిని, రాధ, రాధిక, వెంకటేష్, సురేష్, అంబిక, భాగ్యరాజ్, రేవతి, శోభన, జాకీ ష్రాఫ్, భానుచందర్, నదియా, సుమలత,ఖుష్బు, రమ్యకృష్ణ, శరత్ కుమార్ తదితరులు పాల్గొన్నారు.

ఇలా అందరు ఒకే ఫ్రేమ్ లో ప్రతి సంవత్సరం కనపడుతుండడం వారికే కాదు వాళ్ళ అభిమానులకి పండగే...