తెలుగులో 'లీడర్‌' సినిమాలో కన్పించిన ప్రియా ఆనంద్‌ గుర్తుందా? ఈ ముద్దుగుమ్మ 'లీడర్‌' తర్వాత తెలుగులో 'రామ రామ కృష్ణ కృష్ణ' సినిమాలోనూ నటించింది. రామ్‌ హీరోగా నటించిన సినిమా ఇది. ఓ మోస్తరుగా రెండో సినిమాలో అందాల ఆరబోతతో ఆకట్టుకున్న ప్రియా ఆనంద్‌, ఆ తర్వాత పెద్దగా తెలుగు సినిమాల్లో కన్పించలేదు. తమిళ, కన్నడ, మలయాళ సినిమాలపై కన్నేసి, చిన్నా చితకా అవకాశాలు దక్కించుకుంటూ వచ్చింది ప్రియా ఆనంద్‌ ఇప్పటిదాకా.
తాజాగా ఈ బ్యూటీ 'అర్జున్‌ రెడ్డి' తమిళ రీమేక్‌ 'ఆదిత్య వర్మ'లో ఛాన్స్‌ కొట్టేసింది. 'వర్మ'గా తొలుత 'అర్జున్‌ రెడ్డి' తమిళ రీమేక్‌ తెరకెక్కించడం, దాన్ని స్క్రాప్‌ చేసి, మళ్ళీ షూటింగ్‌ స్టార్ట్‌ చేయడం తెలిసిన సంగతులే. ఈసారి పేరు కూడా మారింది. 'ఆదిత్య వర్మ' అంటూ కొత్త పోస్టర్‌ విడుదల చేశారు. ఈ సినిమాలో విక్రమ్‌ తనయుడు ధృవ్‌ హీరోగా నటిస్తుండగా, ధృవ్‌ సరసన బనితా సందు హీరోయిన్‌గా ఎంపికైంది.
ప్రియా ఆనంద్‌ ఓ ముఖ్యమైన పాత్రలో నటించబోతోంది. ఇదిలా వుంటే, ప్రియా ఆనంద్‌ నటించిన రెండు తమిళ సినిమాలు ఈ వారం విడుదల కాబోతున్నాయి. అందులో ఒకటి 'ఎల్‌కెజి' కాగా, మరొకటి 'కొడాతి సమక్షం బాలన్‌ వకీల్‌'. ఇప్పుడిప్పుడే కెరీర్‌లో వేగం పెరుగుతోందనీ, మళ్ళీ తెలుగు సినిమాల్లోనూ నటించాలనుకుంటున్నాననీ ప్రియా ఆనంద్‌ చెబుతోంది. ఈ బ్యూటీ, హాట్‌ హాట్‌గా కనిపించడానికీ 'సై' అనేస్తోంది.
