ముద్దుగుమ్మ ఆదా శర్మ తెలుగులో 'హార్ట్‌ ఎటాక్‌' సినిమాతో ఎంట్రీ ఇచ్చింది. తొలి సినిమాతోనే తన అందంతో కుర్రోళ్లకు హార్ట్‌ ఎటాక్‌ తెప్పించేసింది. ఆ తర్వాత 'గరమ్‌', 'క్షణం', 'సన్నాఫ్‌ సత్యమూర్తి' తదితర చిత్రాల్లో నటించిరది. కానీ స్టార్‌డమ్‌ సంపాదించుకోలేకపోయింది. బాలీవుడ్‌లో కూడా తన అదృష్టం పరీక్షించుకుంది ఈ బ్యూటీ. మంచి విషయం ఉంది ఈ బ్యూటీలో. కానీ కాలమే కలిసి రావడం లేదు. సరైన ఛాన్సొస్తే అమ్మడు చెలరేగిపోతానంటోంది.  

తాజాగా ఈ ముద్దుగుమ్మకి ఓ బంపర్‌ ఆఫర్‌ తగిలినట్లే అనిపిస్తోంది. అదేంటంటే తమిళంలో ప్రభుదేవా హీరోగా తెరకెక్కుతోన్న ఓ చిత్రంలో ఆదాశర్మకి ఛాన్స్‌ వచ్చిందనీ తెలుస్తోంది. 'చార్లీ చాప్లిన్‌ - 2' టైటిల్‌తో ఈ సినిమా తెరకెక్కుతోంది. బేసిగ్గా ఈ ముద్దుగుమ్మ మంచి డాన్సర్‌. సో ఇండియన్‌ మైఖేల్‌ జాక్సన్‌ ప్రభుదేవాతో సినిమా అంటే ఎగిరి గంతేసిందట ఈ బ్యూటీ. డాన్సుల్లో తన టాలెంట్‌ని ఇంతవరకూ ప్రదర్శించే ఛాన్స్‌ రాలేదు ఆదా శర్మకి. అయితే ఈ సినిమాలో ఆ ఛాన్స్‌ వస్తుందేమో చూడాలి మరి. యాక్టింగ్‌లోనూ మంచి టాలెంట్‌ ఉంది ఈ ముద్దుగుమ్మకి. ప్రాధాన్యత ఉన్న క్యారెక్టర్స్‌ వస్తే యాక్టింగ్‌ టాలెంట్‌ని బయటికి తీస్తానంటోంది. అయితే టైటిల్‌ని బట్టి చూస్తే ఇదేదో కామెడీ జోనర్‌ మూవీ అనిపిస్తోంది. ఎందుకంటే చార్లీ చాప్లిన్‌ అనే పేరు వింటేనే హాస్యం గుర్తొస్తుంది. 

అలాంటిది మరి ఈ సినిమా కాన్సెప్ట్‌ ఎలాంటిదో తెలియాల్సి ఉంది. త్వరలోనే పూర్తి వివరాలు తెలియనున్నాయి. మొత్తానికి ఈ విషయం తెలిసినాక, ప్రభుదేవాతో కలిసి ఎప్పుడెప్పుడు నటిస్తానా అని ఎంతో ఎగ్జయిట్‌మెంట్‌తో ఎదురు చూస్తోందట బ్యూటీ ఆదాశర్మ.