'మెర్సల్‌' టైటిల్‌తో తమిళంలో తెరకెక్కిన సినిమా ఘన విజయం సాధించింది. 200 కోట్ల దిశగా పరుగులు పెడుతోంది. సినిమా చుట్టూ పలు వివాదాలు తలెత్తినప్పటికీ, సినిమాకి అన్ని పక్కల నుండీ మద్దతు లభించింది. ప్రస్తుతం సొసైటీలో జరుగుతున్న దుర్మార్గాలను, ప్రభుత్వ రంగం, వైద్యరంగంలోని అవినీతి కార్యకలాపాలను ఎత్తి చూపారు ఈ సినిమా ద్వారా. ప్రేక్షకులకు అత్యంత దగ్గరగా ఆ విషయాల్ని అర్ధమయ్యేలా చెబుతూనే, కమర్షియల్‌ టచ్‌తో ఈ సినిమాని తెరకెక్కించారు. దాంతో ఈ సినిమాకి ప్రేక్షకులు బాగా కనెక్ట్‌ అయ్యారు. వివాదాలు చుట్టుముడుతున్నా, కాన్సెప్ట్‌కి బ్రహ్మరథం పట్టారు. సినీ ప్రముఖుల మద్దతు కూడా లభించింది. వివాదాలెన్ని తలెత్తినా, సినిమాని ఇంత ఘన విజయం సాధించినందుకు హీరో విజయ్‌ స్పందించాడు. సినిమాకి అండగా నిలబడిన వారందరికీ ధన్యవాదాలు తెలిపాడు. మరో పక్క తెలుగులో ఈ సినిమా 'అదిరింది' పేరుతో విడుదల కానుంది. రేపే 'అదిరింది' తెలుగు ప్రేక్షకుల ముందుకు రానుంది. విజయ్‌ హీరోగా, అట్లీ దర్శకత్వంలో తెరకెక్కింది ఈ సినిమా. కాజల్‌ అగర్వాల్‌, సమంత, నిత్యామీనన్‌ హీరోయిన్లుగా నటించారు. అత్యంత భారీ బడ్జెట్‌తో తెరకెక్కిన ఈ సినిమాలోని డైలాగులు ప్రత్యేక ఆకర్షణగా నిలిచాయి. ప్రస్తుతం గవర్నమెంట్‌ స్థితి గతులపై పంచ్‌ డైలాగులకి వస్తోన్న రెస్పాన్స్‌ అదిరిపోతోంది. తెలుగులోఈ తరహా చిత్రాలకు మరింత ఆదరణ దక్కుతోంది. ఇప్పటికే ఈ సినిమా కాన్సెప్ట్‌ ఏంటో జనానికి అర్ధమైంది. ఇక సినిమా ధియేటర్స్‌లో సందడి చేస్తే ఇంకేముంది.. ఇక్కడ కూడా సూపర్‌ హిట్టే. ఇది పక్కా.