మీ మొబైల్ లో 4జి నెట్వర్క్ వస్తుందా? 4జి ఛాలెంజ్ కి మీరు సిద్ధమా? ఈ ప్రశ్నలు వినగానే మీకు గుర్తొచ్చేది ఎయిర్‌టెల్‌ గర్ల్ సాషా. ఈ అమ్మాయికి ఎయిర్‌టెల్‌ ప్రమోషన్ల ద్వారా  ప్రపంచవ్యాప్తంగా గుర్తింపు దక్కింది.

ఇదే సమయంలోఈమె సినిమాల్లో నటించడానికి గ్రీన్ సిగ్నల్ ఇచ్చింది. ఇంతకీ ఆమె నటించనున్న సినిమా ఓ తెలుగు సినిమా కావడం విశేషం. ఆ వివరాల్లోకి వెళితే, వినాయకుడు చిత్రాన్ని తీసిన దర్శకుడు సాయి కిరణ్ అడివి తాజాగా ఒక చిత్రాన్ని రూపొందిస్తున్నారు.

ఆ చిత్రంలో హీరోయిన్ గా నటించే అవకాశాన్ని ఈ ఎయిర్‌టెల్‌ గర్ల్ సాషా చెత్రి కొట్టేసింది. ఇక ఈ చిత్రం త్వరలోనే మొదలుకానుందట అలాగే ఈ సినిమా కోసం ఆమె హైదరాబాద్ లో ప్రత్యేక శిక్షణ కూడా తీసుకున్నట్టుగా తెలుస్తున్నది.

మొత్తానికి ఈ ఎయిర్‌టెల్‌ గర్ల్ త్వరలోనే తెలుగు సినిమాతో ప్రేక్షకుల ముందుకి రాబోతున్నది అన్నది ఖాయం.