ఎవరీ సిక్స్‌ ప్యాక్‌ కుర్రోడు అనుకుంటున్నారా? క్రియేటివ్‌ డైరెక్టర్‌ పూరీ జగన్నాధ్‌ తనయుడు ఆకాష్‌ పూరి. ఈ బుల్లోడు హీరోగా 'ఆంధ్రా పోరీ' సినిమాతో తెరంగేట్రం చేశాడు. కానీ హీరోగా ఆ సినిమా అంతగా గుర్తింపు తెచ్చిపెట్టలేదు ఆకాష్‌కి. దాంతో స్వయంగా తండ్రి పూరీ జగన్నాధే రంగంలోకి దిగి, కొడుకు ఆకాష్‌తో సినిమా తెరకెక్కించాలని నిర్ణయించుకున్నాడు. ఆ సినిమానే 'మెహబూబా'. 

ఈ సినిమా టైటిల్‌ అనౌన్స్‌మెంట్‌ నుండీ అంచనాలు పెంచేస్తోంది. ఇటీవల విడుదలైన ఫస్ట్‌లుక్‌ టీజర్‌కి పలువురు సినీ ప్రముఖుల ప్రశంసలు దక్కాయి. 1971 కాలం నాటి క్యూట్‌ లవ్‌స్టోరీని ఈ సినిమాలో చూపించబోతున్నాడు పూరీ. అంతేనా? ఇండియా, పాకిస్థాన్‌ యుద్ద నేపథ్యంలో సాగే లవ్‌ స్టోరీ ఈ సినిమా. అప్పటి యుద్ద సన్నివేశాలను కళ్లకు కట్టినట్లుగా రూపొందిస్తున్నాడట పూరీ జగన్నాధ్‌. ఆల్రెడీ టీజర్‌లో దాని తాలూకు శాంపిల్స్‌ని టచ్‌ చేసి చూపించాడు కూడా. త్వరలోనే ఈ సినిమా ప్రేక్షకుల ముందుకు రానుంది. అందాల భామ నేహా శెట్టిని ఈ సినిమాతో హీరోయిన్‌గా పరిచయం చేస్తున్నాడు పూరీ. పూరీ కనెక్ట్స్‌ బ్యానర్‌లో రూపొందుతోన్న ఈ సినిమాని సాహసోపేతమైన లొకేషన్స్‌లో తెరకెక్కించాడు పూరీ. 

ఇదిలా ఉండగా సిక్స్‌ప్యాక్‌తో ఆకాష్‌ పూరీ వర్కవుట్స్‌ చేస్తున్న ఫోటోలు తాజాగా సోషల్‌ మీడియాలో హల్‌ చల్‌ చేస్తున్నాయి. షర్టు వేసుకుంటే కుర్రోడు చిన్న పిల్లాడిలా కనిపిస్తున్నాడు కానీ, స్లీవ్‌లెస్‌లో అబ్బో మనోడి బాడీ ఏకంగా హాలీవుడ్‌ హీరో ఆర్నాల్డ్‌ని తలపిస్తోందంటే నమ్మి తీరాల్సిందే. నమ్మనంటారా? అయితే ఈ ఫోటోలు చూడాల్సిందే మరి. అయినా కానీ ఇప్పుడొస్తున్న యంగ్‌ హీరోలు వస్తూ వస్తూనే, సిక్స్‌ ప్యాక్‌ ట్రై చేస్తున్నారు. 

యాక్టింగ్‌ టాలెంట్‌, ఇతరత్రా క్వాలిఫికేషన్స్‌తో పాటు, సిక్స్‌ ప్యాక్‌ కూడా ఓ క్వాలిఫికేషన్‌ అయిపోయింది ఈ తరం హీరోలకు. అందరిదీ ఇదే దారి. సిక్స్‌ ప్యాక్‌ దారి. గతంలో పూరీ జగన్నాధ్‌ తమ్ముడు సాయి రాం శంకర్‌ కూడా సిక్స్‌ ప్యాక్‌ చేసిన సంగతి తెలిసిందే.