మెగాస్టార్ సైరా చిత్రానికి సంబందించిన కీలక సమాచారం బయటకి వచ్చింది. ఇప్పటికే ఈ చిత్రానికి సంబందించిన తొలి షెడ్యూల్ రెండు నెలల క్రితమే జరగగా ఇప్పుడు రెండవ షెడ్యూల్ కి తేదీలు ఖరారు అయ్యాయి.
అందుతున్న సమాచారం ప్రకారం- ఈ నెల 23,24 & 25 తేదీలలో హైదరాబాద్ లోని అల్యూమినియం ఫ్యాక్టరిలో జరగనుందట. అలాగే ఈ చిత్రంలో నటించడానికి లెజెండరీ యాక్టర్ అమితాబ్ బచ్చన్ వచ్చే నెలలో హైదరాబాద్ రానున్నట్టు తెలుస్తున్నది.
మార్చ్ లో జరిగే షెడ్యూల్ లో అమితాబ్ బచ్చన్ పాల్గొనబోతున్నట్టు ఇందుకు సంబంధించి మొన్నీమధ్యనే దర్శకుడు సురేందర్ రెడ్డి ముంబై వెళ్ళిన ఫోటోలు కూడా బయటకి వచ్చాయి. ఇక ఇప్పటినుండి ఈ చిత్ర షూటింగ్ ఎటువంటి అంతరాయం లేకుండా జరుగుతుంది అని యూనిట్ వర్గాల మాట.
ఎట్టకేలకి మెగాస్టార్ మళ్ళీ షూటింగ్ చేస్తుండడంతో ఆయన అభిమానులు ఖుషిలో ఉన్నారు.
