బిగ్‌బాస్‌ క్లైమాక్స్‌ మూడ్‌లో డైరెక్ట్‌గా ఫైనల్‌కి చేరుకునే అవకాశం కోసం బాబా భాస్కర్‌, అలీ రెజా హోరీ హోరీగా పోరాడారు. మడ్‌ పిట్‌, పూల గుత్తులు టాస్క్‌లో భాగంగా, అలీ రెజా తాను హీరోలా ఫీలయిపోయినట్లున్నాడు. రియల్‌ ఫైట్‌ అనేలా భ్రమ కలిగించాడు. డిచ్‌ ఫైట్స్‌తో రెచ్చిపోయాడు. బాబాని అమాంతం తోసి పాడేశాడు. ఈ సిట్యువేషన్‌ చూసిన హౌస్‌ మేట్స్‌ కూడా ఆశ్చర్యపోయారు. అలీ, బాబా బాస్కర్‌ని మరీ క్రూయల్‌గా డీల్‌ చేస్తున్నాడే.. అని వీక్షకులు ఆసక్తిగా ఎదురు చూడసాగారు. ఆల్రెడీ అలీ శివజ్యోతితో టాస్క్‌ గెలిచి హయ్యెస్ట్‌ పొజిషన్‌లో ఉన్నాడు.
ఇక బాబా విషయానికి వస్తే, పిండిలో ఆల్ఫాబెట్స్‌ తీసి శ్రీముఖిపై గెలుపు సాధించాడు. ఈ ఇద్దరు విన్నర్స్‌ మధ్య సాగే ఈ ఫైట్‌ రియల్‌ ఫైట్‌ని తలపిస్తుండడంతో, ఈ రోజు ఏం జరుగుతుందా.? అని ఆడియన్స్‌లో ఆసక్తి నెలకొంది. అయితే, ప్రోమోలో ఇచ్చిన బిల్డప్‌, షోలో కనిపించడం లేదనే విమర్శ కూడా ఆడియన్స్‌లో ఉంది. ఆసక్తిగొలిపేలా ప్రోమోస్‌ కట్‌ చేయడం, తీరా షో చూసేసరికి తుస్‌మనిపించడం రోజూ జరుగుతూనే ఉంది. అయితే, ఫైనల్‌ మజా ఇవ్వాలంటే, బిగ్‌బాస్‌ ఏదో మ్యాజిక్‌ చేయాల్సిందే చూడాలి మరి, ఈ తుది పోరులో ఫైనల్‌కి చేరుకునే ఆ లక్కీ కంటెస్టెంట్‌ ఎవరో.?
