బిగ్‌బాస్‌ మూడో సీజన్‌ క్లైమాక్స్‌ పోరుకు సిద్ధమైంది. ఈ సారి నామినేషన్‌ ప్రక్రియలో భాగంగా జరిగే టాస్క్‌ ద్వారా ఆరుగురు కంటెస్టెంట్స్‌ నుండి ఓ కంటెస్టెంట్‌ ఫైనల్‌కి చేరుకోకున్నారు. ఈ టాస్క్‌లో భాగంగా, గార్డెన్‌ ఏరియాలో రెండు గంటలు ఏర్పాటు చేశాడు బిగ్‌బాస్‌. బజర్‌ మోగగానే ఏ ఇద్దరైతే గంట మోగిస్తారో వారి మధ్య పోరు సాగనుంది. అలా మొదట గంట మోగించిన ఇద్దరు కంటెస్టెంట్లు అలీ, శివజ్యోతికి ఓ టాస్క్‌ ఇచ్చాడు బిగ్‌బాస్‌. ఎవరెక్కువ బనానాలు తింటారో వారు విన్‌ అయినట్లు. విన్‌ అయిన కంటెస్టెంట్‌కి బ్యాటర్‌ రీ ఛార్జ్‌ చేసుకునే అవకాశం ఉంటుంది. అలీ, శివజ్యోతిలలో ఎక్కువ బనానాలు తిని అలీ గెలిచాడు శ్రీముఖి ఓడిపోయింది.
అలాగే రాహుల్‌కీ, వరుణ్‌కీ పడిన టాస్క్‌లో రాహుల్‌ గెలిచాడు. వరుణ్‌ ఓడిపోయాడు. బిగ్‌బాస్‌ బజర్‌ మోగించినప్పుడు శ్రీముఖి గంట మోగించడంలో అత్యుత్సాహం చూపి బిగ్‌బాస్‌ వార్నింగ్‌కి గురయ్యింది. ఇక బాబా భాస్కర్‌, శ్రీముఖి కాంబినేషన్‌లో జరిగిన నోటితో పిండిలో అల్ఫాబెట్స్‌ వెతకడం టాస్క్‌లో బాబా భాస్కరే ఎక్కువ ఆల్ఫాబెట్స్‌ తీయడంతో, శ్రీముఖి ఓటమి పాలైంది. అలా ఈ సారి టాస్క్‌లో రాహుల్‌, వరుణ్‌పై విన్‌ అవగా, బాబాపై శ్రీముఖి ఓడిపోయింది. 'టాస్క్‌ల్లో నువ్వేం పీకావ్‌..' అని ఒకానొక సందర్భంలో రాహుల్‌ని ప్రశ్నించిన శ్రీముఖికి ఫైనల్‌ పోరు కోసం తాను విన్‌ అయ్యి, ఓడిపోయిన శ్రీముఖికి దిమ్మ తిరిగేలా చేశాడు రాహుల్‌. రాహుల్‌ విజయాన్ని జీర్ణించుకోలేనట్లుగా ఇచ్చిన శ్రీముఖి ఎక్స్‌ప్రెషన్‌ని ఆడియన్స్‌ గమనించే ఉంటారు.
