తెలుగువాళ్ల‌కు ఇప్పుడు రంగమ్మత్త అంటే అన‌సూయ‌నే. ‘రంగస్థలం’లో అంత‌లా మాయ చేసేసింది అనసూయ. ఆ త‌ర‌వాత అన‌సూయ‌కు చాలా ఆఫ‌ర్లు వ‌చ్చాయి. కానీ ఆచి తూచి అడుగులేస్తోంది. ఇప్పుడు ఓ క్రేజీ ప్రాజెక్టులో తానూ భాగ‌మైంది. ప్రకాశ్‌రాజ్, రమ్యకృష్ణ ప్రధాన పాత్రల్లో ప్రముఖ దర్శకుడు కృష్ణవంశీ తెరకెక్కిస్తున్న చిత్రం ‘రంగమార్తాండ’. ఇందులో రంగ‌మ్మ‌త్త‌కు ఓ ప్లేసు ఖాయ‌మైంది. ఈ విష‌యాన్ని దర్శకుడు కృష్ణవంశీ అధికారికంగా ప్ర‌క‌టించాడు.
I’ve always been so inspired by his films.. to be like the girls in his films.. lively and rooted.. soft yet strong.. no matter what..
— Anasuya Bharadwaj (@anusuyakhasba) December 17, 2019
It’s a dream to be able to take orders from him on the sets .. @director_kv Sir!! CHECK✔️#BucketList #checked #blessed #RANGAMARTHANDA 🎥 https://t.co/7QxTFC9JqV
అనసూయ ఫొటోని ట్వీట్ చేస్తూ... త‌న‌ని ఈ సినిమాలో వెల్‌క‌మ్ చేశాడు. ‘ఎప్పుడూ నవ్వుతూ ఉండే అనసూయతో పనిచేయడం సంతోషంగా ఉంది. అనసూయ ఓ స్పైసీ పాత్రలో కనిపించబోతుంద’ని ట్వీట్ చేశాడు వంశీ. ఇందులో ఆమె చేతినిండా గాజులు, ఆభరణాలు ధరించి చీరలో దర్శనమిచ్చింది. ‘రంగస్థలం’లో చీర క‌ట్టులోనే దర్శనమిచ్చింది అనసూయ. ఇప్పుడు కూడా ట్రెడీష‌న‌ల్ డ్రస్‌లోనే క‌నిపించ‌బోతోంద‌న్న‌మాట.
