బుల్లితెర జబర్దస్త్‌ అందం అనసూయ వెండితెరపై రంగమ్మత్తగా 'రంగస్థలం' సినిమాతో హల్‌చల్‌ చేసిన సంగతి తెలిసిందే. ఎన్ని సినిమాల్లో చేసినా, అనసూయకు రంగమ్మత్త అనే గుర్తింపు అయితే అలాగే ఉంటుందేమో. ఆ సంగతి పక్కన పెడితే, అనసూయ తన పర్సనల్‌ సీక్రెట్‌ ఒకటి బయట పెట్టింది. కాస్త జాగ్రత్తగా పరిశీలిస్తే, అనసూయ ఛాతీ భాగంలో ఓ టాటూ కనిపిస్తుంది.
హీరోయిన్లు ఇలాంటి టాటూలు వేయించుకోవడం మామూలే. త్రిషకి కూడా అదే ప్లేస్‌లో ఓ టాటూ కనిపిస్తుంది. ఇంతకీ అనసూయ టాటూ సీక్రెట్‌ ఏంటో తెలుసా.? ఆ టాటూలో ఉన్న అక్షరాలు 'నిక్కు' అంటూ అనసూయ భర్త పేరును తెలియజేస్తాయట. అనసూయ తన భర్తని 'నిక్కు' అని పిలుచుకుంటుందట. ఓ అభిమాని సోషల్‌ మీడియాలో టాటూ సీక్రెట్‌ ఏంటని ప్రశ్నిస్తే, ఇలా క్లారిటీ ఇచ్చింది.
ఇంకోపక్క అనసూయ ఈ సంక్రాంతికి 'ఎఫ్‌ 2' సినిమాతో ప్రేక్షకుల ముందుకు రానుంది. ఇందులో అనసూయ గెస్ట్‌ రోల్‌లోనూ, ఓ స్పెషల్‌ సాంగ్‌లోనూ నటిస్తోంది. మరోవైపు దివంగత నేత వైఎస్సార్‌ బయోపిక్‌ 'యాత్ర'తో ఫిబ్రవరిలో ప్రేక్షకుల ముందుకు రానుంది. ఇందులో అనసూయది చాలా ఇంట్రెస్టింగ్‌ రోల్‌ అట. అనసూయ ప్రధాన పాత్రలో తెరకెక్కుతోన్న 'కథనం' సమ్మర్‌లో విడుదల కానుంది.
