బాలీవుడ్‌లో మోహిత్‌ సూరి డైరెక్షన్‌లో ఓ సినిమా తెరకెక్కుతోంది. సినిమా టైటిల్‌ 'మలంగ్‌'. ఈ సినిమాలో 'లోఫర్‌' బ్యూటీ దిశా పటానీ, ఆదిత్యారాయ్‌ కపూర్‌ తదితరులు నటిస్తున్నారు. అయితే ఇప్పుడు ఈ సినిమాకి సంబంధించి ఓ ఫోటో నెట్టింట్లో హల్‌చల్‌ చేస్తోంది. ఈ ఫోటోలో సీనియర్‌ నటుడు అనిల్‌ కపూర్‌ కూడా ఉన్నాడు. యంగ్‌స్టర్స్‌ మధ్యన అనిల్‌ కపూర్‌ కూడా యంగ్‌స్టర్స్‌ని మించిన యంగ్‌ స్టైల్‌లో దర్శనమిస్తుండడంతో ఈ ఫోటో వైరల్‌గా మారింది. 

సీనియర్‌ హీరో అనిల్‌ కపూర్‌ వయసు 62 ఏళ్లు. కూతురు సోనమ్‌ కపూర్‌కే 33 ఏళ్లు. ఇటీవలే సోనమ్‌కపూర్‌కి పెళ్లి కూడా చేశాడు అనిల్‌ కపూర్‌. అలాంటిది ఈ ఫోటోలో ఆయన వయసు 20 సంవత్సరాలకు పడిపోయినట్లు కనిపిస్తుంటే ఫ్యాన్స్‌ షాకయ్యారు మరి. ఫిట్‌నెస్‌ విషయంలో మొదట్నుంచీ అనిల్‌ కపూర్‌ టాప్‌. తెలుగులో నాగార్జునలా హిందీలో అనిల్‌ కపూర్‌ని అలాగే మన్మధుడుగా అభివర్ణించుకుంటారు. 

చాలా తెలుగు సినిమాల్ని హిందీలో రీమేక్‌ చేసిన ఘనుడు అనిల్‌ కపూర్‌. ఇంత యంగ్‌ లుక్‌లో ఎలా కనిపిస్తున్నారని అడిగితే, అందుకు కొత్తగా నేనేం చేయలేదు. జనమే నన్ను కొత్తగా చూస్తున్నారు. నేనెప్పుడూ ఒకేలా ఉన్నానంటాడు. ఈ ఫోటోకి సోషల్‌ మీడియాలో కామెంట్స్‌ చూసి అనిల్‌ కపూరే షాక్‌ తిన్నాడట. 'కుర్రాళ్లతో చూసి నన్ను కూడా కుర్రోడు అనుకుంటున్నారు.. చాలా హ్యాపీగా ఉంది' అని అనిల్‌కపూర్‌ మురిసిపోతున్నాడు.