'మనసుకు నచ్చింది' సినిమాతో రెచ్చిపోయి హీరోయిన్‌తో ఆన్‌ స్క్రీన్‌ రొమాన్స్‌ చేసేశాడు యంగ్‌ హీరో సందీప్‌ కిషన్‌. కానీ ఆ రొమాన్స్‌ పాపం మనోడికి వర్కవుట్‌ కాలేదు. మళ్లీ అదే చేస్తున్నాడు లేటెస్ట్‌ మూవీ 'నిను వీడని నీడను నేనే' సినిమాతో. కార్తీక్‌ రాజు ఈ సినిమాకి దర్శకుడు. వి. స్టూడియోస్‌తో కలిసి సందీప్‌ కిషన్‌ నిర్మిస్తున్న ఈ చిత్రంలో అన్యా సింగ్‌ హీరోయిన్‌గా నటిస్తోంది.
లేటెస్ట్‌గా ఈ సినిమా నుండి ఓ పోస్టర్‌ బయటికి వచ్చిందండోయ్‌. హీరో, హీరోయిన్‌ మధ్య ఘాటు రొమాంటిక్‌ పోస్టర్‌ అది. కారు బ్యానెట్‌ మీద కూర్చున్న హీరోయిన్‌ని సందీప్‌కిషన్‌ ఘాటుగా కిస్‌ చేసేందుకు సిద్ధపడుతున్నాడు. ఈ పోజుకి కుర్రకారు గుండెల్లో సెగలు మొదలైపోయాయ్‌. అంటే ఈ సినిమాలో సెగలు పుట్టించే సన్నివేశాలు చాలానే ఉన్నాయని శాంపిల్‌కి ఈ పోస్టర్‌ వదిలారన్న మాట. ఇదంతా బాగానే ఉంది కానీ, ఈ పోస్టర్‌ చూసి ఇదేదో పక్కా రొమాంటిక్‌ మూవీ అనుకుంటే తప్పులో కాలేసినట్లే.
ఇదో హారర్‌ అండ్‌ థ్రిల్లర్‌ మూవీ. ఇకపోతే ఈ తరహా కంటెన్ట్‌ మూవీకి కాస్త మసాలా కూడా అవసరమే కదా. లేకుంటే, రెసిపీ అంత టేస్టీగా ఉండదు మరి. అందుకే ఇలా. ఈ పోస్టర్‌తో సినిమాపై ఓ మోస్తరు అంచనాలైతే మొదలయ్యాయి కానీ, పోస్టర్‌లో ఏముంది.. వంకాయ్‌ సినిమాలో విషయముండాలి అనుకుంటున్నారా. పోస్టర్స్‌తో సెన్సేషనల్‌ కొట్టేసిన సినిమాల హిస్టరీ మర్చిపోకూడదు మరి.
