పదహారణాల తెలుగమ్మాయి అంజలికి తెలుగులో ప్రాధాన్యత కాస్త తక్కువే అని చెప్పాలి. ఆమె యాక్టింగ్‌ టాలెంట్‌ సంగతి తెలిసినా, బాలయ్య, వెంకటేష్‌ వంటి స్టార్‌ హీరోలతో జోడీ కట్టినా, తమిళంలో వచ్చిన స్టార్‌డమ్‌, తెలుగులో ఎందుకో అందుకోలేకపోతోంది అంజలి. 

ఈ విషయం అటుంచితే అంజలి తాజాగా ఓ విభిన్న కథాంశం ఉన్న చిత్రానికి సైన్‌ చేసింది. తమిళ, తెలుగు భాషల్లో ఈ సినిమా రూపొందనుంది. డిశంబర్‌లో సినిమా సెట్స్‌ మీదికెళ్లనుంది. జనవరి నుండి రెగ్యులర్‌ షూటింగ్‌ జరుపుకోనుంది. 'ఆనంద భైరవి' అనే టైటిల్‌తో రూపొందుతోన్న ఈ చిత్రానికి కర్రి బాలాజీ దర్శకత్వం వహిస్తున్నారు. హాట్‌ బ్యూటీ లక్ష్మీరాయ్‌ కీలక పాత్ర పోషిస్తోంది. 

ఇంతవరకూ అంజలిలోని యాక్టింగ్‌ టాలెంట్‌ని రకరకాల షేడ్స్‌లో చూసేశాం. అయితే ఈ సినిమాలో ఓ కొత్త అంజలిని చూడబోతున్నామట. ఈ సినిమా కోసం అంజలి యాక్షన్స్‌ సీన్స్‌లో కూడా నటించాల్సి వస్తుందట. పూర్తిగా హీరోయిన్‌ సెంట్రిక్‌ మూవీ కావడంతో కథ అంతా అంజలి చుట్టూనే తిరుగుతుందట. భారీ యాక్షన్‌ ఘట్టాలు అంజలిపై చిత్రీకరించేందుకు చిత్ర యూనిట్‌ సన్నాహాలు చేస్తోందట. తొలిసారి ఓ యాక్షన్‌ చిత్రంలో నటిస్తోంది అంజలి. అందుకోసం ప్రత్యేక శిక్షణ తీసుకుంటోందట. 

కాగా ఈ మధ్య కొంచెం బొద్దుగా మారిన అంజలి కాస్త సన్నబడి స్లిమ్‌గా మరింత అందంగా మారింది. ఆ నాజూకు అందాలతో హాట్‌ హాట్‌ ఫోటో సెషన్స్‌ చేయించుకుని తెలుగమ్మాయిలు కూడా గ్లామర్‌ పండించగలరు అని నిరూపించింది.