'అజ్ఞాతవాసి' సినిమా దెబ్బకి ముద్దుగుమ్మ అనూఇమ్మాన్యుయేల్‌ ఇమేజ్‌ పడిపోయిందనుకుంటున్నారంతా. అయితే ఒక్క సినిమాకే ఇమేజ్‌ పడిపోవడం అనేది సాధ్యం కాదు. అంతకు ముందే ఈ ముద్దుగుమ్మ లిస్టులో 'ఆక్సిజన్‌' అనే డిజాస్టర్‌ మూవీ ఉంది. అదే టైంలో 'అజ్ఞాతవాసి' కూడా రావడం, భారీ అంచనాలతో విడుదలైన ఈ సినిమా భారీగా నిరాశ పరచడంతో ఆ ఎఫెక్ట్‌ ఈ ముద్దుగుమ్మపై తీవ్రంగానే పడిందని చెప్పాలి. దాంతో ఈ ముద్దుగుమ్మ తన రెమ్యునరేషన్‌ బాగా తగ్గించేసిందట.  

ప్రస్తుతం 'నా పేరు సూర్య నా ఇల్లు ఇండియా' సినిమాలో నటిస్తోంది. అల్లు అర్జున్‌ హీరోగా తెరకెక్కుతోన్న ఈ సినిమాకి వక్కంతం వంశీ దర్శకుడు. ఏప్రిల్‌లో ఈ సినిమా ప్రేక్షకుల ముందుకు రానుంది. రిపబ్లిక్‌ డే సందర్భంగా ఈ సినిమాలోని ఓ పాటని రిలీజ్‌ చేయనుంది చిత్రయూనిట్‌. ఈ విషయం పక్కన పెడితే, 'అజ్ఞాతవాసి' సినిమాలో మరో హీరోయిన్‌గా నటించిన ముద్దుగుమ్మ కీర్తిసురేష్‌.  

ఈ బ్యూటీకి 'అజ్ఞాతవాసి' ఎఫెక్ట్‌ పెద్దగా తగల్లేదనే చెప్పాలి. ఈ ఏడాది సంక్రాంతికి విడుదలైన రెండు సినిమాల్లో 'అజ్ఞాతవాసి' బెడిసికొట్టినా, సూర్య హీరోగా వచ్చిన డబ్బింగ్‌ చిత్రం 'గ్యాంగ్‌'తో హిట్‌ కొట్టిందీ బ్యూటీ. అంతకు ముందే ఈ ముద్దుగుమ్మ లిస్టులో ఆల్రెడీ రెండు హిట్లున్నాయి. దాంతో 'అజ్ఞాతవాసి'తో ఈ ముద్దుగుమ్మకి పెద్దగా ప్రాబ్లెమ్‌ రాలేదు. ఆల్రెడీ బిగ్‌ ప్రాజెక్ట్‌ అయిన 'మహానటి' లో నటిస్తోంది  కీర్తి సురేష్‌. 

అలాగే తమిళంలోనూ అమ్మడి చేతిలో రెండు బిగ్‌ ప్రాజెక్ట్స్‌ ఉన్నాయి. తమిళ అగ్ర హీరోలైన విజయ్‌, సూర్య సినిమాల్లో కీర్తి సురేష్‌ హీరోయిన్‌గా నటిస్తోంది. దాంతో అమ్మడు రెమ్యునరేషన్‌ కూడా పెంచేసిందట. వరుస ఆఫర్లు వస్తుండడంతో రెమ్యునరేషన్‌ పెంచడంతో పాటు, వచ్చిన ప్రతీ అవకాశాన్నీ చకచకా ఒప్పేసుకుంటోంది బ్యూటీ కీర్తి సురేష్‌.