మాటల మాంత్రికుడు త్రివిక్రమ్‌కి బర్త్‌డే సందర్భంగా విషెస్‌ అందించారు చాలా మంది సినీ ప్రముఖులు. వాటన్నింట్లోనూ కూల్‌ బ్యూటీస్‌ అనూ ఇమ్మాన్యుయేల్‌, కీర్తి సురేష్‌ పంపించిన విషెస్‌ ప్రత్యేకతను చాటుకున్నాయి. ఈ ఇద్దరు ముద్దుగుమ్మలు ప్రస్తుతం త్రివిక్రమ్‌ తెరకెక్కిస్తున్న సినిమాలో నటిస్తున్నారు. కాగా ఆన్‌ లొకేషన్‌ నుండి త్రివిక్రమ్‌తో ఈ ముద్దుగుమ్మలు విడివిడిగా దిగిన ఫోటోల్ని షేర్‌ చేస్తూ త్రివిక్రమ్‌కి సోషల్‌ మీడియాలో బర్త్‌డే విషెస్‌ అందించారు. ఈ ఫోటోల్లో అనూ ఇమ్మాన్యుయేల్‌ హాట్‌ హాట్‌ అప్పియరెన్స్‌ అభిమానుల్ని అలరిస్తోంది. పవన్‌ కళ్యాణ్‌ హీరోగా తెరకెక్కుతోన్న ఈ సినిమాకి టైటిల్‌ ఇంకా ఫిక్స్‌ చేయలేదు. 'అజ్ఞాతవాసి' అనే టైటిల్‌ని పరిశీలిస్తున్నారు. ఈ సినిమాలో పవన్‌ కళ్యాన్‌ సాఫ్ట్‌వేర్‌ ఇంజనీర్‌ పాత్రలో చాలా డీసెంట్‌గా హ్యాండ్‌సమ్‌ లుక్స్‌లో కనిపించనున్నాడు. ఇద్దరు చక్కనైన ముద్దుగుమ్మలతో ఆన్‌ స్క్రీన్‌ రొమాన్స్‌ భలే రొమాంటిక్‌గా ఉండబోతోందట. ఇప్పటికే ఈ సినిమా నుండి 'బైటికొచ్చి చూస్తే.. ' ఆడియో సింగిల్‌ ఊపు ఊపేస్తోంది. సాఫ్ట్‌వేర్‌ కుర్రాళ్లకి అయితే ఈ పాట భలే భలే నచ్చేసింది. అలా ఇలా లేదు సాంగ్‌. తమిళ డైరెక్టర్‌ అనిరుధ్‌ ఈ సినిమాతో సంగీత దర్శకుడిగా తెలుగులోకి ఎంట్రీ ఇచ్చాడు. అనిరుధ్‌ సంగీతంలో ఇలాంటి మరిన్ని పాటలు ఈ సినిమాలో ముందు ముందు మరింత అలరించనున్నాయి. సంక్రాంతికి ఈ సినిమా ప్రేక్షకుల ముందుకు రానుంది.