నిర్మాత సురేష్ బాబు చిక్కుల్లో ప‌డ్డారు. ఆయ‌న ఓ యాక్సిడెంట్ కోసులో చిక్కుకున్నారు. ఈరోజు పోలీసులు అరెస్టు వారెంట్ జారీ చేసే అవ‌కాశాలున్నాయి. 

వివ‌రాల్లోకి వెళ్తే..  ఆదివారం రాత్రి సికింద‌రాబాద్‌లో ఓ రోడ్డు ప్ర‌మాదం జ‌రిగింది.TS09EX2628 నెంబ‌రు గ‌ల కారు రాంగ్ రూటులో రావ‌డ‌మే కాకుండా ఓ బైకుని గుద్దుకుంది.  దాంట్లో ప్రయాణం చేస్తున్న భార్య‌, భ‌ర్త‌, ఓ చిన్నారి గాయాల‌పాల‌య్యారు. అయినా అది ప‌ట్టించుకోకుండా ఆ కారు అక్క‌డి నుంచి వెళ్లిపోయింది. ఘ‌ట‌నా స్థ‌లిలో ఉన్న కొంత‌మంది గాయాల‌పాలైన ఆ ముగ్గురినీ ఆసుప‌త్రికి త‌ర‌లించారు.  

అయితే ఆ కారు నిర్మాత సురేష్‌బాబు పేరుపై ఉంది. ప్ర‌మాద స‌మ‌యంలో కారు న‌డుపుతున్న‌ది సురేష్ బాబునా?  కాదా? అనేది తెలియాల్సివుంది. కారు సురేష్ బాబు పేరుపై ఉంది కాబ‌ట్టి, ఆయ‌న‌పై పోలీసులు కేసు న‌మోదు చేసే అవ‌కాశాలున్నాయి.