ఇప్పటికే ప్రపంచవ్యాప్తంగా (చైనా మినహా) బాహుబలి 2 విడుదలవ్వడం ప్రేక్షకులని ఆకట్టుకోవడంతో పాటుగా కమర్షియల్ గా కూడా ఘన విజయం సాధించింది.
ఇక ఇప్పుడు మరోసారి ఆ చిత్రం చైనాలో విడుదలయ్యేందుకు రంగం సిద్ధమయింది. తెలియవస్తున్న వివరాల ప్రకారం, చైనాలోని ఐమాక్స్ స్క్రీన్స్ పైన విడుదలవుతున్న మొట్టమొదటి భారతీయ చిత్రంగా రికార్డు సృష్టించింది. ఇప్పట్టికే దంగల్ చిత్రం చైనాలో 7000 స్క్రీన్స్ లో విడుదలైంది, ఇప్పుడు ఆ రికార్డుని బాహుబలి 2 చిత్రం 8000 స్క్రీన్స్ లో విడుదలవుతూ కొత్త రికార్డు సృష్టించింది.
అయితే బాహుబలి 1 చైనా లో గతంలో విడుదలై ఆశించినంతగా ఆడలేదు. దీనితో బాహుబలి 2 చిత్రాన్ని విడుదల చేసే సమయంలో నిర్మాతలు జాగ్రత్తపడుతున్నట్టుగా తెలిసింది.
బాహుబలి 2 చైనాలో ఘనవిజయం సాధించాలి అని కోరుకుందాము.
