సినిమాల జాతర బాబోయ్‌..

By iQlikMovies - December 21, 2018 - 11:00 AM IST

మరిన్ని వార్తలు

ఒకటి కాదు, రెండు కాదు.. చెప్పుకోదగ్గ సినిమాలు ఏకంగా ఐదు ఈ రోజు బాక్సాఫీస్‌ వద్ద సత్తా చాటేందుకు సిద్ధమయ్యాయి. తెలుగులో 'అంతరిక్షం', 'పడి పడి లేచే మనసు' సినిమాలో విడుదలవుతుండగా, మిగతావి డబ్బింగ్‌ సినిమాలు, ఓ హిందీ సినిమా. కన్నడ, తమిళ సినిమాలు తెలుగులోకి డబ్‌ అవుతున్నా, వాటిపైనా అంచనాలు బాగానే వున్నాయి. బాలీవుడ్‌ సూపర్‌ స్టార్‌ షారుక్‌ఖాన్‌ సినిమా కావడంతో 'జీరో'పైనా అంచనాలు ఓ రేంజ్‌లో వున్నాయి. ఇప్పుడంతా మల్టీప్లెక్స్‌ ట్రెండ్‌ నడుస్తుండడంతో..

 

మల్టీప్లెక్స్‌లలో ఆయా సినిమాలకు గట్టి పోటీ కన్పిస్తోంది. 'అంతరిక్షం' సినిమాకి క్లాస్‌ ఆడియన్స్‌ ఎక్కువ ఎట్రాక్ట్‌ అయ్యే అవకాశాలున్నాయి. 'పడి పడి లేచే మనసు' సినిమాదీ ఇదే పరిస్థితి. 'కెజిఎఫ్‌', 'మారి-2' మాత్రం మాస్‌ని టచ్‌ చేస్తాయి. 'జీరో' అందర్నీ తనవైపుకు తిప్పుకునే అవకాశాలున్నాయి. ఓవర్సీస్‌ టాక్‌.. అంటూ ఈ ఐదు సినిమాలకీ బీభత్సమైన పాజిటివ్‌ టాక్‌ని కొందరు స్ప్రెడ్‌ చేస్తోంటే, నెగెటివ్‌ టాక్‌ కూడా ఆ స్థాయిలోనే ప్రచారంలోకి వచ్చింది.

 

రానున్నది ఫెస్టివల్‌ వీక్‌ కావడం, ఈ వీకెండ్‌తో సంబరాలు, సెలవులు మొదలువుతుండడంతో.. సినీ అభిమానులు, ఎన్ని సినిమాలొచ్చినా ఆదరించేందుకు సిద్ధంగా వున్నారు. ఈ క్రిస్‌మస్‌కి ఐదు ముఖ్యమైన సినిమాలు ప్రేక్షకుల ముందర సందడి చేయనున్న దరిమిలా, ఓ మోస్తరు టాక్‌ రాబట్టుకుంటే చాలు, బాక్సాఫీస్‌ వద్ద ఆయా సినిమాలకు కాసుల వర్షం కురిసినట్లే. ఆల్‌ ది బెస్ట్‌ టఱు ఆల్‌ మూవీస్‌.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS