తెలుగు టెలివిజన్ రియాలిటీ షో బిగ్ బాస్ 3 ఇంకొక 6 రోజుల్లో ప్రేక్షకులను అలరించేందుకు వచ్చేస్తుంది. ఇంతక ముందు జరిగిన రెండు సీజన్లకంటే గ్రాండ్ గా ఈ సీజన్ ను ప్లాన్ చేశారు స్టార్ మా యాజమాన్యం. మొదటి రెండు సీజన్స్ లో ఎన్టీఆర్ మరియు నాని హోస్ట్స్ గా మెప్పించారు, ఈసారి కింగ్ నాగార్జున రంగంలోకి దిగుతున్నాడు. 16 మంది కంటెస్టెంట్స్ సుమారు 100 రోజుల పాటు ఈ షో లో పాల్గొననున్నారు.
బిగ్ బాస్ ఫాన్స్ కూడా షో ఎప్పుడెప్పుడు మొదలవుతుందా.. కంటెస్టెంట్స్ ఎవరా అని ఆతృతగా ఎదురు చూస్తున్నారు. కానీ స్టార్ మా మాత్రం కంటెస్టెంట్స్ లిస్ట్ ను ఇంతవరకు ఫైనల్ చేయలేదు. అయితే సిల్వర్ స్క్రీన్ రిపోర్ట్స్ ప్రకారం కొంతమంది సెలెబ్రిటీల పేరు ఇప్పటికే ఫైనల్ అయినట్టు గట్టిగానే ప్రచారం జరుగుతుంది. ఆ లిస్ట్ లో మొదటిగా వరుణ్ సందేశ్, అతని భార్య వితిక షేరు ఉన్నట్టు మొదటి నుంచి ప్రచారం జరుగుతుంది. కపుల్స్ ఈ షో లో పాల్గొనడం ఇదే మొదటి సారి.
పటాస్ షో తో కుర్రకారుకి కిర్రెక్కించిన రాములమ్మ శ్రీ ముఖి కూడా ఈ లిస్ట్ లో ఉన్నట్టు చెప్పకనే చెపుతుంది. ఇప్పటికే రాములమ్మ సైన్యం, శ్రీ ముఖి ఆర్మీ అంటూ శ్రీ ముఖి సపోర్టర్స్ సోషల్ మీడియా లో హల్చల్ చేస్తున్నారు.
అంతేకాకుండా TV9 ముఖాముఖి షో తో పాపులర్ అయిన యాంకర్ 'జాఫర్' కూడా బిగ్ బాస్ లిస్ట్ లో ఉన్నట్టు తెలుస్తుంది. వీళ్ళే కాకుండా 'ఉయ్యాల జంపాల' ఫేమ్ 'పునర్నవి భూపాళం' మరియు హీరోయిన్ ఫ్రెండ్ రోల్ లో కనిపించే 'హిమజ' వీరితో పాటు క్యారెక్టర్ ఆర్టిస్ట్ 'హేమ' కూడా కంటెస్టెంట్స్ లిస్ట్ లో కన్ ఫర్మ్ అయినట్టు విశ్వసనీయ వర్గాల సమాచారం.
