బుల్లితెర మెగా గేమ్‌ షో బిగ్‌బాస్‌ ప్రతీ రోజూ ఊహించని మలుపులు తిరుగుతోంది. మొదటి రోజు నుండే టాస్క్‌ల పర్వం కొనసాగగా, రెండో రోజు కాంట్రవర్సీకి తెర లేచింది శ్రీముఖి, హిమజ కారణంగా. ఇక మూడో రోజు మరింత రసవత్తరంగా సాగింది. ఫస్ట్‌ హాఫ్‌ అంతంత మాత్రంగా సాగిన బిగ్‌బాస్‌ మంచి రసపట్టు అందుకుంది. ఫుడ్‌ విషయంలో చిలికి చిలికి గాలివానగా మారిన ఇష్యూ, నువ్వెంత అంటే, నువ్వెంత అన్నదాకా చేరింది. ఫుడ్‌ విషయమై హౌస్‌లో ఉన్నవాటిని 15 మంది సభ్యులు ఎలా అడ్జస్ట్‌ చేసుకుని తినాలి అనే విషయమై శ్రీముఖి లేవనెత్తిన చిన్న ఇష్యూ అనుకోకుండా తుఫాన్‌ లేపింది.
కిచెన్‌ రెస్పాన్స్‌బులిటీ తీసుకున్న హేమ ఫుడ్‌ విషయం వాళ్లనెందుకు అడిగావ్‌.? అని శ్రీముఖిని ప్రశ్నించడంతో, సింగర్‌ రాహుల్‌ కల్పించుకుని, పెద్దగా అరుస్తూ రెచ్చిపోయాడు. హేమపై విరుచుకుపడ్డాడు. ఈ ఫ్లోలో మధ్యలో 'బొంగు' లాంటి కొన్ని బూతులు కూడా వాడేశాడు. సీనియర్‌ కదా హేమ కూడా ఏమంత తక్కువ తినలేదు. అరుస్తున్నావేంటీ.? అంటూ సినీ ఫక్కీలో నోరేసుకుని విరుచుకుపడిపోయింది. వారిద్దరినీ సముదాయించడం మిగిలిన హౌస్‌ మేట్స్‌కి కత్తి మీద సామే అయ్యింది.
ఎట్టకేలకు కూల్‌ అయిన వీరిద్దరూ తర్వాతి రోజు నుండి హౌస్‌లో ఎలా మసలబోతున్నారనేది వేచి చూడాలిక. ఇదిలా ఉంటే, వీరిద్దరూ ఎలిమినేషన్‌ నామినేషన్‌లో ఉన్నారు. హౌస్‌లో వీరి రచ్చ చూసిన ఆడియన్స్‌ ఎలా ఫీల్‌ అవుతారో, హౌస్‌ నుండి ఎవరిని బయటికి పంపించాలని అనుకుంటారో తెలియాలంటే వీకెండ్‌ వరకూ వేచి చూడాల్సిందే.
